Shillong, Risaw 10: Ka KSU Nongkynba
h Area Unit ka la dawa naka tnad ka koit ka khiah jong ka sorkar Jylla ba ka dei ban plie noh ia ka Nongkynbah Health Sub Centre ha Shnong Nongkynbah. Ha ka jingshisha, ka Health Engineering Wing ka la dep bam shna ia kane ka Health Sub Centre naduh u snem 2014.
Ka KSU ka pynpaw iaka jingsngew lyngngoh namar wat hadien 4 snem ka tnad ba dei Peit kam shym la lah ban plie bad ban thung ia ki nongtrei ha kane ka Sub Centre na ban long na ka bynta ka jingmyntoi jong u paitbah ka thain. Ki Shnong kiba la khmih lynti ba yn kynthup lang hapoh kane ka Sub Centre ki dei ka Sarin, Nongpdengkynbah bad Nongkynbah kiba ka jingdon ki nong shong Shnong ka la long palat iaka 2000 ngut.
Watla ia kane ka Sub Centre la shna pyndep saw snem mymshwa hynrei hadien ka jingbymlah jong ka tnad ban plie bad pyntreikam ha kito ki por ka la pynlong ia kane ka jingtei ba ka la sdang jot bad kylla long ingjah bad ka ktem jong ki jingsniew hapoh shnong poh thaw.
Shuh shuh, kumba kine ki lai shnong mynta ki hap hapoh ka Sub Centre Mawpud ka long shisha kaba shitom iaki paitbah ban leit ban wan namar ki donkam ban iaid kjat haduh 3 ne 4 kynta kumta ka seng ka ban jur ba dei ban phah maramot bad plie noh mardor iaka Nongkynbah Health Sub Centre khnang ba yn lah ban weng noh iaki jingeh kiba ki paitbah ki la mad baroh shikatta.
Ka seng ka dawa ruh na ka sorkar bad ka tnad ka koit ka khiah namar la weng ia kine ki shnong na ka Ranikor Civil Sub Division dei ban pynhap noh ia kine ki Shnong hapoh ka Rangthong PHC namar ka la Kham Jan bunshah sha Rangthong bad Mawkyrwat ban ia kaba leit hiar arsut shaduh Ranikor na bynta ban leit pyndep iaki jingdon kam jong u paitbah.
Ngi kyntu ruh ia u MLA jongka Ranikor Constituency kan tuklar lem halor kine ki jingeh jongki paitbah naki lai tylli ki Shnong bad shen ruh na ka liang jongngi ngin leit ban pynkynmaw biang ia u Director of Health Services halor kine ki mat ba donkam jongki paitbah.
Lada ki bor sorkar kim shimkhia ngim banse kum ka seng ban lum ia u paitbah hashwa ban shim sa da kiwei ki rai ba kham tyngeh. Kane ka long ka kyrwoh na u samla Gomelson Snaitang, President, KSU Nongkynbah Area Unit
