Shillong, Naitung 02: U MLA jong ka 19th Shillong South Constituency u Bah Sanbor Shullai u la buh ia u Mawnongrim ban shna ia ka surok hapoh jong ka dorbar shnong Kynjat Phutbol kaba don ha Raid Laban. Ia kane ka surok la mang pisa T.82.88 lak tyngka.
U Bah Lambha Khongsti rangbah shnong ha ka jingkren jong u la ai burom ia u MLA jong ki u ba la m sngi ban trei na ka bynta ka bha ka miat jong ki paidbah, ia ka jingbatai ba kumno la lah ban pynurlong ia kane ka jingkwah jong ki paidbah ha kaba ia dei bad ka surok la ai da u Bah Shaiphar Wahlang Secretary shnong.
Ka jingangnud jong ki paidbah katei ka shnong ban ioh ia kane ka surok ka long kaba la slem haduh katta katta haduh ba kin da ioh mynta kala kot sha ka 40 snem kyntih, da ka jingdon ia kane ka surok kan iarap shibun kai piadbah ha ka leit ka wan hapoh katei ka shnong.
Ha ka jingkren jong u Bah Sanbor Shullai u la kyntua ia ka dorbar shnong bad ia ka committee ba dei peit ba kin ia treilang bad ki bor sorkar ban peit ba kane ka jingtrei kan iaid beit katkum ka jingbethah na ka ophis. Ha kane ka sngi la don lang ruh ki nongialam shnong bad ki seng kynthei bad seng samla ban ia skhi lang ia kane ka sngi.
