Ampati, Nailar 20: U myntri rangbah ka jylla u Dr Mukul Sangma u la buh ia u Mawnongrim jong ka iing skul hapoh ka shnong Damdiloka, kane ka dei ka skul lower primary kaba nungkong ha kane ka shnong naduh ba la ioh ia ka jylla Meghalaya.
Ka jingioh ia kane ka Lower Primary School hapoh kane ka shnong kaba hap hapoh jong ka Damalgre C&RD Block, kala long ka jingkmie kaba khraw namar ia kane ka LP School hapoh katei ka shnong dang shu seng ha u Rymphang mynta u snem 2017 bad mynta kila ioh ia ka iing skul ha ka jinglut kaba T.15 lak ia kaba yn bei pisa da ka tand Border Area Development.
Ha kine ki snem kiba la leit noh ki khynnah jong kane ka shnong ki hap banleit skul sha kawei ka shnong ka Goragre kaba jngai ar kilometer, ki khynnah ri tha kane ka shnong ki hap ban iaid man ka sngi la ka long ha ka sngi ne u slap kane ka dei ka skul kaba jan eh na ka bynta ki khynnah jong ka shnong Damdiloka.
Ha ka jingkren jong u myntri rangbah ka jylla u la ong ba ka long kaei kaei kaba sngewsih ban iohi ba kane ka shnong ha dien ba la ioh ia ka jylla mynta la 45 snem ka dang ioh skul dang mynta, u la ong ba ka dei ka kam jong ka sorkar pdeng bad jong ka sorkar jylla ban peit ba man ki shnong ki dei ban don iala ka jong ka skul.
Ha kane ka jingkren na ka liang jong u myntri rangbah u la pynpaw ia ka jngsngewsih kaba khraw ban iohi ba ka pule puhti hapoh jong ka SWGH District kala hiar sha ba palat, na ka liang jong u myntri rangbah u kynnoh ba ia kane ka jinghiar ha ka pule puthi ka dei na ka daw jong ki managing committee kane ka jingleh jong ki School Managing Committee ka long ba ki shukuor ia la ki jong ki briew.
Ha ka juh ka por na ka liang jong u myntri rangbah u la ong ba u don ka jingkyrmen ba ki SMC kin shim ia ka jingkit khlieh na ka bynta ka roi ka par ha ki liang baroh. Ka sorkar kala pynmih ia ka skhim ban ai jinghikai ia ki samla kiba kwah ban leit sha ki kam hikai da kaba siew ia ki T.5000 tyngka shi bnai ba kin leit sha hikai ha ki kam hikai.
Kiwei kiba la ia don lang ki long u DC u Bah CVD Diengoh, ka Assistant Director, Border Areas Development, Garo Hills, E.G.R. Marak . La ong ba kane ka shnong kala dawa ban ioh skul mynta a palat 30 snem.
