Shillong, Jymmang 30: U bah Gilbert G Kharrasawai president jong ka seng Hynniewtrep Unitd Awakning Movement (HUAM) u l a iathuh ba ka seng ha dien ba kala wan ban jurip ia ka jingkieng iaid kali ha shnong Nongkriah kila leit ban ujor sha u Executive Engineer jong ka Mawsynram PWD Division ia ka jingsniew jong kane ka jingkieng kaba la ap jingma ia ki paidbah kiba iaid na kane ka jingkieng.
U Bah Kharraswai, u la iathuh ba tang hapoh ka lai kynta kaba ka seng kala leit ban ai ia kane ka jingujor na ka liang jong u Executive Engineer jong ka Mawsynram PWD Division, u la pynmih ia ka hukum ba dei ban maramot not ia kane ka jingkieng ha shnong Nonghkriah kaba don ha ka surok ban leit na Dangngar sha Ryngku.
Ha ka jingleit jurip jong ka seng HUAM kala shem ba kane ka jingkieng dieng ka long kaba la sator haduh katta katta ba ka jingma ka ap ia ki kali kiba iaid na kane ka jingkieng man ka sngi, u tei u nongialam jong ka seng u la ong ba kane ka jingkieng kala khih doi doi haba iaid ki kali bad kane ka lah ban kdiah ha kano kano ka por.
Ha ka jingshisha na ka liang jong ka PWD kala dep ban ai kontrak ban shna ia ka jingkieng kaba da ka dewbilat ha kane ha kane ka jaka hynrei kane jingtrei kala shusha pongding haduh kine ki sngi na ki daw kiba ym lah ban tip, na ka liang jong ka seng ka kynnoh beit ba ka dei ka jingsuki jong u kontraktor ba ioh ia kane ka jingtrei.
U president jong ka HUAM u la iathuh ba ha ka jingiakynduh ia u Executive Engineer jong ka Mawsynram PWD Division u Bah Andrew Umdor u la iathuh ba ia kane ka jingtrei la ai dep ai kontrak. Ha kane ka jingiakynduh na liang jong u EE ka Mawsymram PWD u la kular ban shim khia ia kane ka kam bad mynta ka sngi u la phah ia ka kontraktor ban maramot ia kane ka jingkieng.
Ha ka jingiakren na la liang jong u Bah Kharraswai u la ong ia u EE jong ka PWD Mawsynram Division ba ymd ei ban ap haduh ba kan da jia ki jingjia kiba sngewsih dei ban peit ba ia ki jingkieng kiba la sator dei ban phah maramot. Ha ka juh ka por u president jong ka HUAM u la ai khublei ia u EE u ba la phah mynta ka sngi ia u SDO u ban leit peit ba ka jingmaramot ia kane ka jingkieng ka dei ban leh noh kloi, la ong u Bah Gilbert G Kharraswai ha ka kyrwoh kaba u la phah mynta ka sngi.
