Shillong, Risaw 25: U Myntri ka tnad ka koit ka khiah u bah Alexander Laloo Hek ha dien bala wan phai na Delhi la test COVID-19 positive, u myntri ka tnad ka koit ka khiah mynta u la shong quarantine.
U myntri ka tnad ka koit ka khiah u bah AL Hek ha kine ki sngi u la leit sha nongbah Delhi na ka bynta ki kam jong ka sorkar bad ha dien bala wan phai la hap ban test kat kum ki kyndon bala buh da ka sorkar bad haba la ioh ia ka resolt la shem ba long positive.
U myntri ka tnad ka koit ka khiah ka jylla u bah A L Hek u long u myntri ba nyngkong na ka sorkar Meghalaya ban test COVID-19 positive. U myntri ka tnad ka koit ka khiah mynta u don hapdeng ka jingshong Quarantine kat kum ki kyndon ba la buh da ka sorkar Jylla.
U Director ka tnad ka koit ka khiah u Dr Aman War u la iathuh ba ka dei ka jingshisha ba u myntri ka tnad ka koit ka khiah la test COVID-19 positive.
