Shillong, Rumphang 18: Ka jylla Meghalaya kan sa ioh sa kawei ka District, bad kata ka dei ka South East Khasi Hills District bad ka jaka trei kam kan long ha Sohra bad ia kane ka District kaba thymmai lah ban plie noh ha dien ka dorbar mang tyngka jong u snem 2019-2020.
Ban pynkynmaw ba ha kawei ka jingialang kaba la long ha Ramkrishna Mission ha u snem ba la dep na ka liang jong u Shongknor jong ka iing dorbar thawain jong ka jylla u la pynthikna ha katei ka jingialang ba u myntri rangbah ka jylla u la ai ktien ba ia kane ka jingdawa na ka bynta ka SEKH District ynsa lah ban leh ha kane ka snem mang tyngka kaba mynta.
Ki lad khubor ki iathuh ba kane ka jigniakren kala iaid ha khmat hapoh jong ka sorkar ba ka don ka jingkyrmen ba kane ka sorkar MDA hapoh jong ka jingialam jong u Conrad K Sangma kum u myntri rangbah ka jylla yn sa lah ban pynurlong ia kane ka jingdawa jong ki paidbah ban kyntiew ia ka Sohra Civil Sub Division sha ka kydan jong ka District.
