Ha dien ka elekshon MDC ha GHADC yn ia kynduh ia u Conrad halor ka SEKH District: Titos

Shillong, Iaiong 01: U bah Titosstarwell Chyne MDC jong ka Sohra bad dei ruh u Chief Executive member jong ka KHADC, u la ong ba ha dien ka elekshon ha GHADC yn leit ia kynduh ia u myntri rangbah ka jylla u Cornad K Sangma ban ia kren halor ka jingdawa ia ka South East Khasi Hills District.

Haba kren ha u SP News Agency, u bah Titosstarwell la iathuh ba ha ka jingiakynduh kum ka kynhun ha ka jingiadon lang u bah Balajied Synrem MLA ka Shella ryngkat ki nongkit kam shnong ia u Cornad, na ka liang jong u Cornad u la ai ka jingkyrmen ha kaba ia dei bad ka jigndawa District.

Na ka liang jong u myntri rangbah ha ka jingiakren u la kren shai ba kum kane ka jingdawa District ki don kiwei ruh na kiwei ki bynta jong ka jylla bad ka shong ha ka jingdon jong ka pisa bad ka sorkar ka dang bisjar bniah ha kaba ia dei bad kane ka jingdawa District.

Na ka liang jong ki nongialam ka thain ha kaba ia dei bad kane ka jingdawa District sha Sohra kin leit ban ia kynduhbiang ia u myntri rangbah ka jylla ban ia kren biang ha kaba ia dei bad katei ka jingdawa District ha Sohra.

 

 

What Next?

Recent Articles

Leave a Reply

Submit Comment

*