Ha dien ka jingiakynduh bad ki nongialam niam rai ban khang shuwa ia ki jaka mane Blei: Prestone

Shillong, Jylliew 09: U Symbut Myntri Rangbah ka jylla u bah Prestone Tynsong mynta ka sngi u la iathuh ba ha dien ka jingiakynduh bad ki nongialam naim la rai ban khang shuwa ia ki jaka mane Blei haduh ban da shim da kawei pat ka rai.

Haba kren ha ki lat pathai khubor ha dien ka jingialang bad ki nongialam niam u Bah Tynsong u la ong ba ia kane ka jingialang mynta ka sngi la khot da u myntri rangbah ka jylla ha kaba baroh ki nongialam niam kiba don ha ka jylla Meghalaya kila ia poi sha kane ka jingialang.

Ha kane ka jingialang baroh ki nongialam niam kila pynpaw ba ha dien ba kila ia mir jingmut bad ki para ba ngeit jong ki kila pynpaw ha kane ka jingialang ba ia mynta ban plia ia ki jaka mane Blei kam pat long bad dei halor kane ka jingpynsngew ka jong ki ba ka sorkar ka sa shim ia kane ka rai ban khang shuwa ia ki jaka mane Blei ha ka jylla Meghalaya.

U Bah Prestone u la ong ba ia ka rai ban plie noh ia ki jaka mane blei ka sorkar pdeng kala shah, ka sorkar jylla ruh kala shim ia ka rai ha ka 5th Jylliew 2020 kala dep ban shim ia ka rai ban shah ia ki jaka name blei ban plie noh haduh ka 14th Jylliew 2020 hynrei ha kane ka jingiakynduh mynta ka sngi la weng noh ia katei ka rai.

U Symbut Myntri Rangbah u la ong ba ka daw ba la shim ia kane ka rai ka long ba ka jingkoit jingkhiah bad ka jingshngian jong ki paidbah ka long kaba kham kongsan bad ia kane la pynpaw da ki nongialam niam kiba la poi sha kane ka jingialang kumta ka sorkar ruh kala shim ia ka rai ban khang shuwa ia ki jaka mane blei bad kin sa khot biang ia ka jingialang ha u Naitung taiew ba nyngkong.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet