Shillong, Iaiong 26: Naduh mynnin ka miet kala saphriang ha ki social media ia ka kali kaba la ioh kem ha da ki pulit jong ka Damalgre ia ka kali kaba don ia u number ML0-01-6915 kaba la pyndon kam kam ban kit kyiad pyrsi kaba hap hapoh jong ka South West Garo Hills District.
Kane ka kali ka don ia ka pass kali bad la thoh ha kane ka pass ba ka dei ka kali ba la pyndon kam ha ka Corona Care centre bad ia ki briew ba don ha kane ka kali la rah da ki pulit jong ka Damalgre bad kila shim ia kane ka kali ruh.
Katba ha Shillong mynne mynmiet ia kawei ka kali kaba don ia u number ML-02-0416 kaba la niah da kawei ka kynthei la kynnoh ba kala tynrah ia kawei ka kali maruti ha Dhankheti bad ki pulit jong ka Laitumkhrah kila rah ia ka sha police station bad kila pah ban leh ruh ia ka medicial test.
Kumba la saphriang ki Video ha ki Social Media kane ka kynthei briew kam shym la burom ia ki pulit hapoh police station ruh ha kaba kala mih ia ka jingia kylliang ktien hapdeng jong ka bad u pulit ba don ha katei ka police station.
Haduh ba thoh ia kane ka kubor na ka liang jong ka police department kam pat pynshai katei ka dei ka kali number ka dei kaba la pyndon kam da mano bad katei katei ka kynthei kaba la nud ban nym burom shuh ia ki pulit ha police station kum ba la sa phriang ha ki social media.
U SP City u BD Marak haba kren ha u SP News Agency lyngba ka phone u la iathuh ba ka jingthoh kit ha kaba ia dei bad katei ka jingjia mynnin ka miet ha Dhanketi kaba hap hapoh jong ka Laitumkhrah police station ka jingtohkit ka dang iaid bad ha dien ba la dep ban tohkit ynsa lah ban iathuh ia ka jingjia.
