Shillong, Naiwieng 03: Ki shipai kin pynlong ia ka jingiamareh ban thungkam ia ki samla jong ka jylla Meghalaya na baroh 11 tylli ki District ka jylla Meghalaya bad ia kane ka jingiamareh yn pynlong ha Guwahati naduh ka 11 tarikhaduh ka 13 tarik jong u bnai Kyllalyngkot jong u snem 2018. Ia ka examin pat na ka bynta kito kiba la shah jied kan long ha Amy Public School Shillong ha ka 28 tarik bnai Kyllalyngkot naduh ka por 6 baje mynstep.
Kino kino ki rang samla kiba kwah ban ioh ia ka jingtip kaba bniah kaba ia dei bad kane ka kam ki lah ban leit sha ka www.joinindianarmy.nic.in. bad kino kino kiba kwah ban ia shim bynta ha kane ka jingiamareh rung kam shipai kila lah ban register ia lade naduh ka 13 tarik mynta u bnai haduh ka 27 tarik jong u bnai Nohprah 2017. Ia ki admit kard pat ki ba la apply kin sa ioh ban print ha dien ka 28 tarik Nohprah ba kin ion ban leit ia shim bynta ha ka tei ka jingiamareh.
Na ka liang jong ki shipai kila ong ba lada don kano kano kaba ki kwah ban ioh ia ka jingtip kaba kham bniah ki ba don jingthmu ki lah ban phone ia u Deputy Commissioner’s Office jong I division lane hapoh jong ka jaka khor rung kam jong ki shipai kaba don ha Shillong bad ki lah ban phone ha une u number 0364-2506581.
