Ha India, ka Meghalaya ka dei ka jylla ba duna palat ha ka jingdon ki telephone:Conrad

Guwahati, Naitung 11: U myMr Conradntri rangbah ka jylla u Conrad ka Sangma haba kren ha ka jingialang ban pynlait paidbah ia ka “ Digital North East 2022” da u myntri ka sorkar pdeng u Ravi Shankar Prasad ha Guwahati, u la ong ba ha ka Ri India baroh kawei ka jylla Meghalaya ka dei ka jylla kaba dang duna palat ha ka jingdon ki telephone.

Ha kane ka jingialang u myntri rangbah u la ong ba ka sorkar ka dep ban mang pisa T.35 klur ban shna ia ka bynta ba nyngkong jong ka “Shillong Tech Park” ha ka jaka kaba heh haduh 80 akar bad na kane 10 akar la ai sha ka National Institute of Electronics and  Information Technology (NIELIT) ban shna ia ki iing ki snem ia kaba la buh ia u mawnongrim mynta ka sngi da u myntri ka sorkar pdeng ha Guwahati.

Kane ka Technology Park kan lah ban ngiam haduh 1200 ngut ki samla pule bad yn pyndep ia ka ha u snem 2020 bad kane kan ai kam ruh ia 12000 ngut ki samla jong ka jylla. Ha kajuh ka por u la ong ba da ka jingbei pisa jong ka ADB ia ki 117 tylli ki skul ha ka jylla, kine ki skul kin ioh ia ki jaka ai jinghikai ha ka liang jong ka computers bad ka Smart Class bad iaka digital library.

Ka sorkar Meghalaya kala pyntrei kamia ka 1917iTEAMS na ka bynta ki nongrep, ka jingtrei kam jong kane ka long ka jingiadei ha pdeng u nongrep bad u nongthied bad ka don ka jingkyrmen kaba skhem ba ha u snem 2022 kane kan long ka khaii pateng kaba khlain bha ia kaba la tip kum ka e-commerce ha kaba ia ka khaii pateng yniaid lyngba ka internet.

Ha kane ka sngi u myntri rangbah u la ong ba ka jingpyndon kam ia ki telephone ha kane ka jylla Meghalaya pat ka long kaba duna palat haduh katta katta ban ia nujor bad kiwei ki bynta jong ka ri India lane bad tang hapdeng ki jylla ka North East. Na ka liang jong u myntri rangbah u la ong ba don kam ban pynpoi ia ki telephone sha baroh ki shnong ha ka jylla.

Ban pynpoi ia ki telephone sha baroh ki shnong, u myntri rangbah u la ong ba ka sorkar pdeng kala mang pisa haduh T.3911 klur na ka bynta ka jylla Meghalaya ba ki shnong kin ioh ia ka phone lyngba ka mobile. U myntri rangbah u la pynpaw ia ka jingsngewnguh ia ka sorkar pdeng ha kaba ia dei bad kane ka kam, ha ka juh ka por u la kyntu ba dei ban pyndep kloi lan ia ka jingtrei na ka bynta ka jingmyntoi jong u paidbah.

What Next?

Recent Articles

Leave a Reply

Submit Comment

*