Shillong, Lber 03: Ha dien ka jingniew vote kaba la dep ha ka sngi Saitjian ha ki ar tylli ki iing dorbar jong ki District Council hapoh jong ka JHADC bad ka KHADC, kila don ar ngut ki kynthei kiba la shah jied ban long ki MDC, kine baroh ar ngut ki dei hapoh jong ka KHADC.
Ha JHADC ha ka iing dorbar kaba la dep ka kong Violet Lyngdoh kala long ka MDC kynthei marwei hapoh jong katei ka iing dorbar hynrei ha kane ka kynti mynta kala shah rem noh bad da kane ka jingshah rem jong ka hapoh iing dorbar jong ka JHADC kane ka iing dorbar kaba mynta kam don MDC na kaliang ki kynthei.
Katba hapoh ka iing dorbar jong ka KHADC ha kane ka iing dorbar kaba la dep ki don lai ngut ki kynthei, ka kong Grace Kharpuri kaba la jop biang na Nongskhen, katba ka kong Telinia Thangkhiew na Mylliem bad ka kong Rona Khyndeit na Nongpoh kila rem ha kane ka MDC ilekshon.
Ha kane ka iing dorbar kaba thymmai mynta jong ka KHADC ki don ar ngut ki kynthei kiba la shah jied ka kong Grace Kharpuri jong ka INC na Nongskhen bad ka kong Macdalyn Sawkmie Mawlong na Umsning na ka party PDF.
