Ha Jowai bad Shillong la pyndon burom ia ka lyngkhuh sngi iap ba 156 u Kiangnagbah

Shillong, Nohprah 30: Mynta ka sngi ka Ri Khasi kala rakhe pyndon burom ia ka lyngkhuh sngi iap kaba 156 jong u Kiangnangbah u nongialeh laitluid na ka kti jong ka jingshynsahr donbor jong ki dohliehg, halor ka jingshah lum khajana palat pud jong ki paidbah ka Rilum Jaintia ha ha ki phareng.

Ha Shillong, ki kynhun kiba la leit ban buh syntiew ha u mot jong u Kiangnangbah u ba don ha pyrshah jong ka Civil Hospital Shillong, ki long ka Sein Jaintia, ka shnong Wahthapbroo bad ka seng samla pule Khasi Student’s Union. Ia ka jingbuh syntiew la sdang da ka Sein Jiantia, bud sa ka KSU bad ka dorbar shnong Wahthapbroo.

Na ka liang jong ka Sein Jiantia kiba la kren ha kane ka sngi ki long u Bah NR Shullai, Bah RL Shullai bah W Pyrbot bad ka kong B Lamare. Ha ka jingkren jong u bah NR Shullai u la pynkynmaw ia kaei kaba u Kiangnangbah u la kren ha shuwa ban shah phasi ha ki phareng.

Ha ka sngi ba ki phareng kila phasi ia u Kiangnangbah ha Iewmusiang, u Kiangnangbah u la kren ia kine ki ktien “ Lada ka khlieh jong nga ka phai sha mih ngi ka Ri kan sa ioh ia ka jinglaitluid hapoh 100 snem” bad kane kala jia shisha hadien 84 snem jong ka jingiap u Kiangnangbah ka Ri India kala ioh ia ka jinglaitluid.

Ia ka jingduwai shuwa ban pynwai ia ka jingbuh syntiew la pynlong ia ka jingduwai na ka liang jong ka shnong Wahthapbroo. Ia kane ka sngi la rakhe pyndon burom ruh ha Jowai ha Syntu ksiar ia kaba la shna kyrpang ia u Mot jong u Kiangnangbah ha katei ka jaka.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet