Ha Jylla Meghalaya haduh mynta ka sngi ym don shuh ba pang COVID-19: Prestone

Shillong, Jymmang 18: U Deputy Chief Minister u bah Prestone Tynsong mynta ka sngi u la iathuh ba ka ba pang COVID-19 khatduh la test ar sien bad baroh ar sien kala long Negative, kumta ha jylla Meghalaya haduh mynta ka sngi ym don shuh ba pang COVID-19.

Haba kren ha ki lat pathai khubor mynta ka sngi u bah Prestone u la ong ba mynta ka sngi la test ha ka sien kaba ar bad ka reslot kaba la ioh ka long Negative da kane la lah ban ong ba kaba shitom khatduh na kane ka jingpang COVID-19 kala kala koit bad mynta ka jylla Meghalaya kam don shuh ia kiba shitom COVID-19 haduh mynta ka sngi.

Haba jubab ia ki jingkylli ia ka jingkloi ban leh test namar kam pat kot sha ka 14 sngi katkum ki kyndon, na ka liang jong u Dr A War ba la don lang u la pynshai ba kane kaba shitom hadien duh kala dep ban leh ia ka Home Quarantine 14 sngi bad haduh mynta kala jan dep ia ka 28 sngi, ha dien ba kala don hynniew sngi ha Civil la shim ia ka sample bad la phah test bad ka ka long Negative.

Haba ia dei bad ka jingshim ia ka test haduh mynta ka sngi la shim haduh 3207 ngut kiba la dep ban test ki long 2883 ngut bad ki resolt ki long Negative, ki resolt ba dang ap ki long 311 ngut. Kiba ioh COVID ha ka jylla ki long 13 ngut, iwei  i la khlad bad 12 ngut kiwei pat kila koit.

Haba ia dei bad kiba la wan phai sha ka jylla haduh mynta kiba la poi ki long 6565 ngut. La iathuh ba haduh mynta baroh ki COVID-19 Committee ha ka jylla ki long 7000 tylli kine ki long ha Sor bad nongkyndong ha ka jingiatreilang ryngkat ki bor sorkar bad ki dorbar shnong.

U bah Prestone u la iathuh ba ia mynta ka East Khasi Hills District ka dang hap hapoh jong ka Orange Zone, halor kane ka sorkar ka hap ban pyntip sha ka sorkar pdeng bad kan sa pynmih ia ka jingpynbna.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet