Ha ka “28th State Karate Championship 2019” rah ka AMKA iaka nam lahduh na ki kynthei

Shillong, Naiwieng 03: Ia ka jingialehkai ia kura ia kaba la tip kum ka “28th State Karate Championship 2019” la pynhap pyrda ha ka sngi Saitjain ha JN Stadium ha Polo ha kaba baroh ki nongiashim bynta ki kot sha ka 421 ngut na ki kynhun seng ia lehkai kiba pher bapher.

Ki nongjop ha kane ka jingialehkai kiba ha khmat eh, ha ka liang jong ki shynrang kum ka kynhun ka dei ka Sport Authority jong ka Ri India bad ka STC na Shillong, ka kynhun kaba la wan baa r ka dei ka  Shillong Dojo Karate-Do Association (SDKA) na Shillong.

Ha ka liang jong ki kynthei ka kynhun kaba la wan ban nyngkong ka dei ka All Meghalaya Karate-Do Association (AMKA) bad kaba la wan ba ar ha kane ka jingiakop ka long ka Shillong Dojo Karate-Do Association (SDKA).

U nongiakura bat bit tam na ki khynnah la ioh da u Davyson Kharkongor jong ka  SDKA, na kiba la rangbah dei u Glikerius Buhphang of SDKA. Na ka liang ki kynthei kaba la ioh ia ka nam ia kura bat bit tam na pdeng ki khynnah ka dei ka Emika Deimaia Myrthong jong ka  SDKA bad na kiba la heh la ioh da ka Phikerbha Kharbihkhiew jong ka  AMKA.

Ia ka jingialehkai leit ban plied a u Bah Joe Marwein bad ha ka sngi pynhap pyrda la pynhap da u bah Banri PF Lyngdoh. Ha kane ka jingialehkai kila don shibun kiwei ki khusnam ruh ha ki jingiakopia kura bapher bapher.

What Next?

Recent Articles

Leave a Reply

Submit Comment

*