Shillong, Naitung 19: Ka elekshon ban jied ia u Deputy Chairman hapoh jong ka KHADC kan long la shai ka sngi ha ka por 11.00 baje mynstep, kiba la thep kyrteng ki long u Bah Equator L Nongrang na ka kynhun KHDA bad u Bah Morningstar Mawsor na ka PDA.
U Bah M Kharkrang Secretary jong ka Legislative jong ka KHADC u la iathuh ba ka ophis kala ioh pdiang ar tylli ki nomination, kata ka long ka jong u Bah Equator bad jong u Bah Morningstar bad haba la bihsar ia kine ki nomination la shem ba baroh ar tylli ki long kiba la biang.
La iathuh ba ka jingiathep bot kan long la shai ka sngi hapoh iing dorbar jong ka KHADC, kumba la pynbna.
