Shillong, Iaiong 22: Mynta ka sngi ha dien ba ki nonghikai Adhok kila ia tur sha Secretariat ban dawa ban kyntiew ia ka tulop jong ki nonghikai, na ka liang jong ki ophisar ka tnad pule puthi kila khot ba ia kren ia ki nongialam ki nonghikai Adhok ban ia kren ia ki jingdawa jong ki.
Ha kane ka jingiakynduh la don u Dr.BDR Tiwari Commissioner bad Secretary ka tnad pule, u Ambrose Ch Marak Director ka tnad pule kila ia kynduh ia ki nongialam ka seng Federation of All School Teachers of Meghalaya kaba la ialam da u bah Mayborn Lyngdoh ban ia kren halor ka jingdawa jong ki nonghikai Adhok.
Haba kren ha ki lat pathai khubor ha dien ka jingialang u bah Mayborn la ong ba kim hun ia kaei kaba mih na kane ka jingiakren namar ki ophisar kim lah ban ai kano kano ka jingkular ha kaba ia dei bad ka jingdawa jong ki ban kyntiew ia ka tulop.
U bah Mayborn la ong ba namar kane ka jingiakren kamshym long kaba seisoh ka seng kala shim ia ka rai ban nym iatreilang shuh bad ka sorkar, kane ka jingbym ia treilang ka long ba kin nym kohnguh ia ka jingbthah kam ka sorkar.
Mynta ka sngi ki nonghikai ha ka lam jong ka FASTOM kila ialum paidbah ha Madan Malki bad kila iai iaid sha ophis jong ka MBOSE kaba don ha Lachumiere, katba kiwei ki nonghikai kila tur sha Secretariat, na ka liang jong ki Magistrate kila ong ba ki nonghikai kin tur sha Secretariat hynrei ki nonghikai kim sngap kila tur sha secretariat kiba don da ki spah ngut.
