Shillong, K.Lyngkot 31: U Bah Metbah Lyngdoh Lamphang ka iing dorbar thawain ka jylla u la pyntip ba mynta ka sngi la shim ia ka rai ban pynlong ia ka jingialang jong Executive Committee Zone-III jong ka CPA yn pynlong ha Arunachal Pradesh ha Itanagar.
U Lamphang ka iing dorbar jong ka jylla Meghalaya la ong ba ka jingialang kaba la long mynta ka sngi ka ban kin shim tang ia katei ka rai, ha kane ka sngi kiba la poi ki long u Lamphang ka iing dorbar jong ka jylla Assam, u Symbut Lamphang ka iing dorbar ka Arunachal Paradeh, la ong u Timothy Shira Symbut Lamphang ka iing dorba thaw ain ka jylla Meghalaya.
La ia kren ha kane ka jingialang ba na ki jylla bapher bapher jong kane ka thain shatei lam mih ngi ha ka jingialang ban long ha u bnai Lber ha Arunachal Pradesh ki pynreh ia ki mat ia kren kiba ktah ia ka dong shatei lam mih ngi baroh kawei.
Haba ia dei bad ka jaka ai jinghikai kaba la shan ha Assam na ka bynta ki MLA, ki Ophisar ha kaba ia dei bad ki jingiadei bad ki kam hapoh iing dorbar kumba ka long mynta ka jingtrei kala dang iaid sha khmat bad ki kwah ba pyndep noh ia kane ka jingtrei namar ia mynta ki hap ban leit sha Delhi poh Parliament ban shah hikai.
Ha kane ka sngi la don lang ki ophisar na ki iing dorbar bapher bapher kane ka thain shatei lam mih ngi kiba la wan ban ia shim bynta ha kane ka jingialang jong ka Executive Committee jong ka CPA.
