Ha ka jingiakynduh mynta ka sngi,kular ka COMSO ia u Bah Lahkmen ba kin nym pynklumar

Shillong, Rymphang 13: Ki seng bhalang hapoh ka lama jong ka COMSO mynta ka sngi kila burom ia ka jingkhot u myntri kam poh iing ka sorkar jylla u bah Lahkmen rymbui kumba la khot ia ki ban ia kynduh mynta ka sngi ha karma trei kam jong u ha Secretariat.

U Lamphang jong ka COMSO u bah Robertjune Kharjahrin haba kren ha ki lad pathai khubor ha dien ka jingiakynduh ia u myntri kam poh iing u la iathuh ba, ka jingkhot sha kane ka jingiakren ka long halor ka shong suk shongsain ha kane ka jylla Meghalaya.

Haba ia dei bad ka jingshah thang jong ki ar tylli ki kali mynnin ka sngi u tei u nongialam jong ka COMSO u la ong ba kane ka dei ka jingshim kabu jong kito kiba kwah ban pynthoh bria ia ka kynhun hapoh jong ka lama jong ka COMSO, kum ka kynhun ka pynrem jur ia kane ka jingleh jong ki briew kiba kwah ban pynklumar.

Ha kane ka jingiakynduh mynta ka sngi na ka liang jong ka COMSO kala pynshai ha khmat jong u myntri kam poh iing ba ki dkhot jong ka seng ki don ha khappud bad ka Bangladesh bad kum juh bad ka jylla Assam ban iarap ia ki pulit kiba dei na ka tnad Infiltration ban khang ia ka jingwan ki poiwir sha kine ki jylla.

Hynrei haba ia dei bad ki jaka kiba kim briew jong ka tnad infiltration kim don na ka liang jong  ka COMSO kala buh ia ki briew jong ki bad tang mynnih shisngi kila ioh ban pynphai da ki spah ngut ki briew, kane ka jingkhynra kan dang iai beteng haduh sngi saitjian bad ha ka sngi nyngkong kin leit ban jurip kyndit ia ka jingtrei kam jong ki pulit infiltration ha khappud.

La iathuh ruh ba ha kane ka jingiakynduh na ka liang jong u myntri u la kyrpad ia ka COMSO ba kan sangeh noh ia kane ka jingkhynra namar ka sorkar kala shim khia ia kane ka kam kane ka dei ka jingiakren kaba kila ia kren mynta ka sngi ha ka jingiakynduh ia u myntri kam poh iing ka jylla.

 

 

 

 

 

 

 

What Next?

Recent Articles

Leave a Reply

Submit Comment

*