Ha ka jingialang ha Amlarem pynshai paidbah ia ki skhim sorkar lyngba ka DIPR

Shillong, Nailur 26: Ka tnad pathai khubor jong ka sorkar jylla lyngba ka shnat Sub-Divisional Public Relations Officer, Amlarem Civil Sub-Division kala pynlong ia ka jingiamir jingmut kaba kyrpang bad ki paidbah katei ka thain.

Ha ka jingkren jong u AK Sangma Sub-Divisional Public Relations Officer, Amlarem u la ong ba ka kam jong ka DIPR ka long ban pynshai paidbah ha kaba ia dei bad ki skhim jong ka sorkar  lyngba kane ka jingiamir jingmut kaba kyrpang.

Ha kane ka jingiamir jingmut  ki tnad sorkar kiba la ia don lang ki long ka tnad ka koit ka khiah, ka tnad sam jingbam sha ki shnong ki thaw ia kaba la tip kum ka ICDS bad kiwei kwei dei. Ha kane ka sngi la pynshai paidbah ia ki skhim kiba don bad ki tnad sorkar bapher bapher kiba dei na ka bynta jong u paidbah.

Ha kane ka sngi la pynlong ruh ia ki jingiakop bapher bapher hapdeng ki khynnah skul jong ka thian Amlarem ha kaba la sam ruh ia ki khusnam sha ki nongjop ha kine ki jingiakop na ka liang jong ka ophis.