Ha ka jingialang ha Iew Musiang dawa ka JSU naka sorkar ban wad iaka jaka bret iaki nuit

Shillong, Iaiong 22: Hakane ka jingialang lah pyniaid da u Social Secretary seng kmie u samla Nevercare Passah bad lah ioh ruh ka jingkren na baroh ki nongialam ka seng JSU na ki Circle kiba don na kylleng ka ri lum Jaintia kiba kynthup ia u President ka Khliehriat Circle u samla Livingson Sama,u General Secretary ka Jowai Circle u Wansalan Patwet.

President ka South Border Zone u samla Ajoyminson Lyngdoh,U President ka War Jaintia Circle u Eddy K Pohtam ,President ka Nartiang Circle u samla Neil Mukhim ,President ka Laskein Circle u Dapmain Suchiang bad lah ioh ka jingkren na u President rangbah ka seng u Jersok Shylla bad u General Secretary rangbah ka seng u samla Treiborlang R Suchen lah pynwai iaka jingialang lah kren pynwai da u Aplang Lamare u President ka Jowai Circle.

Ha kane ka jingialang paitbah lah ioh ruh iaka jingkren na ki nong shong iew bad ki riew paitbah bad baroh ki lah dawa da kawei ka sur sha ka sorkar ba ka Municipal kadei ban pyntikna ba ka don ka bor ban wan rah shisha iaka jaka kaba pura ban bret iaka nuit na Iaw Musiang ,ki riew paitbah bad ki nongial ka seng kiba lah kren hakane ka jingialang ki lah kyrpad iaki nongshong shnong ka ri lum Jaintia ba ki dei ban ai iaka jaka kaba tikna kaba iahap bad ka Solid Waste Manangement Act.

Ban ioh bret iaki nuit na Iaw Musiang bad lah mih ruh ka sur na kanae ka jinialang paitbah ba lah ong ” ngim dei ban don ka jingsngewpher thaiñ lane shnong namar ka Iaw Musiang kadei ka iew jong baroh lang ki pait ka ri lum Jaintia bad ki lah ong ruh ba ka Municipal kadei ban pyntikna ba ka don pisa ban wan rah shisha iaka ka scientific waste management lane ka jaka bret nuit kat kum ka ka juk ba mynta.”

Ki nongialam ka seng JSU ka lah maham iaka sorkar dakaba ong wad pynsyrwa kai iaka pisa tang ha ki tamasa hynrei to bei pisa iaka Jowai Municipal ba kan lah ban pynioh shisha iaka jaka kaba paka ban khuid ka Iaw Musiang bad ka sor Jowai baroh kawei.

Ki nongialam ka seng JSU ki lah ong ba kane ka dei tang ka jingsdang ban mih sha khmat bad ka seng kan shim iaka jingialang ryngkat bad ki Synjuk waheh chnong Jowai,Synjuk waheh chnong Jaintia bad kiwei ki nongsynshar elaka ne shnong bad ki kynhun sengbhlang kiba pher bad kumjuh bad kiwei ki kynhun trei mon sngewbha ban wanrah ia kawei ka rai halor ka nuit ba sah ha Jowai ban wad ka lad ka lynti ban wanrah syndon daka jaka kaba paka.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet