Ha ka jingialang NEC, pan u Conrad ban shna surok phra lane na Guwahati sha Chitagong

Shillong, Nailur 08: U myntri rangbah jong ka jylla Meghalaya ha ka jingialang kaba 68th jong ka North Eastern Council kaba la long mynta ka sngi ha Guwahati ba dei ban shna ia ka surok phara lane na Guwahati sha Chitangong jong ka Ri Bangladesh.

La ong ba kane ka surok ka long kaba don kam namar kan pyniasoh ia ka North East bad kiwei ki ri jong ki ri jong ka dewbah Asia ba shathi lyngba kane ka kadjhad bad kane kan wan rah ia ka jingkylla ha ka ioh ka kot jong ka dong shatei lam mih ngi jong ka Ri India.

Kawei pat ka surok kaba don kam ka long na Silchar sha Mahendraganj  Hili Road kaba hap ban iaid lyngba ia ka wah Brahmaputra. Kane ka Surok kan iarap ban pynduna ia ka leit ka wan hapdeng ka North East bad kiwei ki bynta jong ka Ri India. Na ka liang jong u myntri rangbah ka jylla Meghalaya u kyrmen ba u myntri rangbah duh jong ka Ri un pdiang ia kane ka jingdawa.

Haba phai sha ka jylla Meghalaya u la ong ba ha u snem 2030 ka jylla Meghalaya kan sa long ka jylla kaba bit ba biang ha baroh ki liang kynthup ia ka ioh ka kot da kaba pyntrei kam ia ki skhim bapher bapher ha ka jylla. Ha kane ka jingialang u la pynpaw ruh ia ka jingsngewnguh ia ka sorkar pdeng kaba la bei pisa ha kiba bun ki liang.

La ong ba la don kam ban pynheh  ia ka surok na  na Jowai sha Nartiang bad Khanduli ban poi sha Assam bad ka jinglut ban pynheh ia ka surok kan long T.100 klur, la kdew ba na ka T. 4500 klur kaba la mang lyngba ka NEC, hynrei ka pisa kaba sah ka long tang T.19 klur. Namar ka pisa kaba la mang ka long tang siew ia ki jingsiew kiba la sah teng.

Haba ia dei bad ki jingtrei ha ki surok ha kane ka jylla Meghalaya la ong ba kila don haduh 14 tylli ki jingtrei kiba la pyntrei mynta bad ki jingtrei kila dep kumba 30% haduh mynta.

Khnang ba ka NEC kan lah ban pyntrei kam ia ki kam pynroi ha NE ka sorkar pdeng ka la dei ban mang pisa T.2000 klur lymda lah ban leh kumta ka jingthmu ban kyntiew ia ka North East kan long kaba eh ba lah ban pyndep ha u snem 2020 bad lada ym lah ban leh ka long tang ka jingphohsniew.

Haba phai sha ka rep ka riang, u myntri rangbah u la ong ba ka jylla Meghalaya ka dei kawei na ki jylla ba la lah ban don ia ka “Farmers Commission” kane ka long ban pynioh ia ki nongrep ia ka hok ka jong ki ban kyntiew ia ka rep ka riang. Haba ia dei bad ka skhim MGNREGS ka jylla Meghalaya haduh mynta kala lah ban pyntrei haduh T.1000 klur.

 

 

 

What Next?

Recent Articles

Leave a Reply

Submit Comment

*