Shillong, Nailur 15: U Myntri Rangbah ka jylla u Conrad K Sangma u la ong ba ka sorkar kala don ka jingtip ia ka jingiaid jong ki kynhun dei na kane ka daw ba ka sa mih ka jingiasiat mar kylliang ha Tura ha ka sngi sngi ba Ar.
Ka sorkar kala don jingtip ia ka iaid ka ieng jong kine ki briew, hynrei ia mynta ban ong ki dei na ka kynhun aiu kam long kaba dei ban iathuh mynta khlem da pat wat bniah shuwa, ka sorkar ka don ka jingtip ia kane ka jingiaid jingieng jong kine ki kynhun.
U Myntri rangbah u la kren shai ba ia mynta um pat kwah ban jer kyrteng ia mynta haba ia dei ba ka jingiasiat ha Tura ha kaba u wei u briew u la kylloniap ha kane ka jingiasiat markylliang ha Tura ha ka 14/9/2021. Haba ia dei bad ka shong suk shongsain ka sorkar bad ka tnad pulit ki long peitngor bha ia kane ka bynta.
Halor ka jingkynnoh u nongialam ka liang pyrshah ba ka sorkar ka long mynthi, na ka liang jong u mytnri rangbah ka jylla ula ong ba um sngewthuh ka mut aiu kata ka jingsngap mynthi hynrei kano kano ka jingpyntip kaba wan sha ka sorkar na ka liang jong ka sorkar ka shim khia ia kata ka jingpyntip.
Ki pulit kila ong ba kila ioh jingtip ba ki don ki briew kiba iaid ha Daldagre ryngkat ki tiar sait ba shyrkhei halor katei ka jingtip ki pulit kila pynlong ia ka jingtalasi ia ki kali ba iaid ba ieng dei ha ka por 7.30 baje mynmeit ki pulit kila iohi ba ka don kawei ka bike kaba wan na ka Surok Tura-Garobadha.
Haba poi ha jan ki pulit u wei na kiba shong ha kata ka bike u la kynthih na ka bike bad sdang ban siat ia ki pulit, bad na ka liang jong ki pulit ruh kila siat kylla bad ha kane ka jingiasait markylliang u wei na kita kiba don ha ka bike u la mynsaw bad khlad ha kane ka jingjia ia siat bad ki pulit.
Ki pulit kila ioh ban kurup kawei ka AK-56, kawei ka AK-Riffle magazine, 19 tylli ki kuli 7.62 mm kiba khlem pat pyndon kam, ki pulit kila knieh ia ka Bike Bajaj Platina ki pulit kila register ia kane ka ejahar ha Tura police Station. Ki pulit kila iathuh ba une ba khlad la tip kyrteng kum u Robinson R Marak.
Ki pulit kila kynnoh ba u dei u nongkyrshan ka seng lehnoh UALA bad ASAK ha kip or ba kitei ki ar tylli ki seng ki dang don ha ki snem 2014 haduh 2018, ki pulit kila kynnoh ba une u ba shah siat iap u dei u briew ba donkam ha ka jingrah bor bad ki kam rumar ba bun jait.
