Shillong, Nailur 30: Mynta ka sngi hapor mynstep kala don ka jingiasait hapdeng ki pulit bad ki suba lehnoh ha Dawa Nengjata ha jan Williamnager ha kaba ka jingiasiat kaba mar kylliang kala neh kumba 20 minit tam ei ei bad ha kane ka jingiasiat u wei u lehnoh u la kyllon iap ha shen.
Une u lehnoh uba la kyllon iap ha kane ka jingiather kuli bad ki pulit la tip kyrteng kum u Balmit Marak bad u dei u nongshong jong ka Rongchekgre East Garo Hills District. Ki pulit kila ker kut ia kane ka jaka ha dien ba kila ioh jingtip ba ki lehnoh kila don ha kane ka jaka.
Na kane ka jaka ba don ka jingiasait ki pulit kila ioh tam kawei ka suloi ba khlainbor ia kaba la tip kum ka INSAS kaba dang bha, 36 tylli ki bom, da ki spah tylli ki kuli ba pat pyndon kam bad na kane ka jaka la ioh ruh ia ka Identity Card jong u Morek Ch. Marak ba dei jong ka seng GNLA.