Shillong, Jymmang 27: U CEM ka KHADC u bah Titos Chyne u la pyntip ba la ioh ia ka report na ka liang jong ki enforcement jong ka KHADC ba la pynlong ia ka jingkhynra loubar license ha baroh kawei ka nongbah Shillong mynta la arsngi lynter.
Haduh mynta ka janmiet ka jinglum jingtip bala iohlum ka long na ki 7 tylli ki jaka ba la phiah ban pynlongnia ka jingkhynra, laitylli ki zones kiba ka na ka liang ka enforcement ki la dep ban leit ha kine ki ar sngi.
Haba ioh iakren bad ki nongthoh khubor u bah Titos u la iathuh ba ki ba bun hi ki nongniah kali kamai ki dei ki ba iaid khlem ka trading license kiba dei ruh ki non tribal. Kumjuh ruh ki don kiba dei ki khasi ki ba ai niah kali ia ki bymdei khasi.
Shuh Shuh u la ong ba na ka liang jong u, un sa pynlum pynlang bad peitbha ia kine ki record bad ha ka sngi nyngkong jong ka taiew ban wan, ia kito ki ba iaid khlem don ia ka trading license yn sa phah jingthoh sha ka district transport office ban leh ia ka ba donkam ban pynsangeh ia ka permit jongki. Namar ka jingleh be ain jongki ymban se ban leh da kane ka sienjam.
U bah Titos u la pynpaw ba mynta ka sngi u la bthah ia ki nongtrei jong ka ophis ban khang ban ai license katba ym pat pynmih ia ka hukum. U bah Titos u la iathuh ba haduh mynta ka jingioh lum jingkheiñ na ka enforcement ki dei na ki lai tylli ki zone ki ba kynthup ka polo goldflink nongmynsong, Bbarik Malki point Dhanketi Laitumkhrah bad Red Cross.
