Shillong, Naitung 07: Ka kynhun tohkit kaba kyrpang jong ka tnad pulit na West Garo Hills District kaba la tip kum ka Special Operation Team (SIT) kiba la sdang ia ka jingtohkit ha 4th tarik haduh mynta ka sngi 7th Natiung 2022, kila ioh ban kurup haduh 45 tylli ki Bike bala shah tuh bad la kem 17 ngut ki briew.
Ka SIT kala ai bor ban tohkit ia kikam sniew kiba khlem lap dien kum ka jingshah tuh ki kali kiba la dep buh ia ki ejahar ha ki san snem, kiba la shah kem baroh ki dei kiba la shah kynnoh don kti ha ki kam sniew kiba bun rukom bad kiba juh mlieh ban tuh Bike.
Na kitei kiba la kem ki pulit kila ioh ban kurup 17 tylli ki mobile phone bad kine ki don ka jingiadei ha kaba tuh kali na kawei ka jylla sha kawei pat khamtam hapdeng ka jylla Meghalaya bad Assam. Ia ki Bike ba la tuh na Assam la dei sha Meghalaya bad ia kiba na Meghalaya la die sha Assam lyngba ki nongdie kali rim.
Da ka jingioh kem kine 10 tylli ki jignujor la lah ban pyndep ia ki jingtohkit, na kine ki 45 tylli ki bike kiba la ioh kurup, kilong 11 tylli na Rajabala, 12 na Jengjal, 2 na Tura, 7 na Bongaigaon, 13 na Dadenggre, kiba la shah kem pat 15 ngut na Meghalaya bad ar ngut na Assam, kiba tuh mobile na ki 17 tylli, ki don 10 tylli ki ehajar kiba la lah ban lap 6 tylli na Assm bad 4 tylli na Meghalaya.
Kine baroh kiba la thied ia kine ki Bike bad kali dei ban la thied ia ki khlem ki kot kisla kiba biang bad khlem da ioh ia ka koitphot na ki pulit , ki don kiba la thied kali lyngba ka OLX bad Facebook, ha kaba ia ki kali tuh la pynbna bad die ia ki da kaba pynjot ia ki Engine number bad shassis number la leh ia kane ba ki briew ka ain kin nym lap.
Na ka liang jong ki pulit kila bthah ia ki paidbah haba thied kali rim dei ban ioh lang ia ka kaiphot na ki pulit ban lait na kano kano ka jingeh hadien ha bud, ia ka kaiphit jong ki kali la ai na ka District Crime Records Bureau, Tura kaba don ha Tura Police Station, kane ka jing khynra kan dang bteng bad kyrmen ban dang lap shuh shuh ia ki nongtuh.
