Shillong, Nohprah 14: U symbut myntri rangbah ka jylla u bah Prestone Tynsong, la ong ba u juh u briew ha ka por ba long myntri rangbah, u Dr Mukul Sangma u pyrshah jur ia ka jingpyntrei kam ia ka Inner Line Permit, u juh u briew tang namar ba don ha ka liang pyrshah u ong balei ka sorkar kam lah ban pyntrei kam ia ka.
Haba ia die bad kane u bah Prestone la ong ba ia kane la don kam ban kylli na u Dr Mukul Sangma “kaei ka jingbkla ba phi, ha kato ka por kaba phi da pyrshah tyngeh ban pyntrei kam ia ka ILP, kaei kaba jia mynta tang namar ba phi shong ha ka liang pyrshah phi ioh ba don kam ia ka ILP”.
U bah Prestone u la ong ba ai ki paidbah ka jylla Meghalaya kin bishar bad kin wat ruh ia ka rong ba shisha jong u ha kane ka bynta kaba ia dei bad ka jingdawa ban pyntrei kam ia ka Inner Line Permit , la ong u bah Prestone.
U bah Prestone u la ong “ba balei nga iehnoh ia ka party Congress, dei ban sngewthuh namar ha kato ka por don lang, dei na kata ka daw nga kren skhem namar u ong ym don kam ILP, nga kren da ka jingsngew skhem namar u ong ha ka jingialang Kabinet palat spah sien ba ym don kam ILP”.
Ha kato ka por ym lah ban ia kren namar u ba leh don bor ym long ia kren dei na kata ka daw hap ban mih noh na ka party congress, kaei kaba u kren ka ieng, u bah Prestone u buh ka jingkylli balei ha kato ka por kaba u kren shai ym don kam ILP, dei ha kato ka por ba ka jingiakhih kala sdang da ki seng bhalang bad u ne u juh u briew u la ong don kam ILP.
Halor ka jingwan jong u mytri rangbah duh jong ka Ri India sha Shillong ha ka 18 tarik mynta u bnai kum ka sorkar MDA ka kwah ban ia kynduh ia u ban pynkynmaw biang ia u halor ki ar tylli ki mat.
Kita ki long, kawei ka jingpyntrei kam ia ka ILP bad kawei pat ka jingpynrung ia ka ktien khasi sha ka Khyrngit kaba phra ka riti synshar ka ri India. Ka iing dorbar baroh kawei khlem da shim ia kano kano ka party baroh kila ia mynjur lang ban pyntrei kam ia ka ILP.
