Shillong, Kyllalyngkot 03: U Thomas A Sangma National General secretary jong ka party NPP ha ka shitarik mynta u bnai u la pynmih ia ka jingpynbna hapoh jong ka party ha kaba la khang ia ki dkhot ban ia shim bynta ha ki jingialang paidbah ban pyrshah lane ban kyrshan ia ka Citizenship Amendment Act 2019.
Ha ka jingpynbna hapoh ka party, na ka liang jong u National General Secretary u la ong ba la ioh jigntip ba ki don ki dkhot jong ka party kiba la kren halor kaei ka ban jia ha North East na ka jinglong ain ka Citizenship Amendment Act 2019.
Haba ia dei bad kane na ka liang jong ka NPP kala dep ban kren shai halor ka nongrim jong ka party, kumta la kyntu ia baroh ki dkhot jong ka party ba kim dei ban kren ei ei halor jong kane ka phang ha kaba ia dei bad ka CAA khlem da ioh ia ka jingbit na u National President u Conrad K Sangma.
Ha ka juh ka por, ki dkhot jong ka party NPP kin nym lah ban leit ujor sha iing kashari, sha Supreme Court jong ka Ri India ha kaba ia dei bad ka CAA. Kumta la ong ba nym shah ia ki dkhot jong ka party ban ia shim bynta ha ki jingialang paidbah ban kyrshan na pyrshah ia ka CAA ha ka kyrteng jong ka party.
