Shillong, Jymmang 05: Katkum ka jingkhien kaba la ai lyngba ka ophis jong u Executive Director State Disaster Management Authority (DSDMA) jong ka sorkar Meghalaya, ka Kong I Mawlong kala pyntip ba ha ka jingwan kynshop jong ka lyeriong “Fani” ha kane ka jylla kala ktah ia ki 21 tylli ki shnong, kala pynjulor 17 tylli ki iing bad la mynsaw u wei u briew.
Ha kane ka jingslap jur kala don ka jingtwo jong ki kynroh, ka jingsah rah ha ka um, ki shnong kiba la shah ktah ki long 12 tylli hapoh jong ka East Khasi Hill District, 2 tylli ki shnong ha West Khasi Hills District, 5 tylli ki shnong ha South West Khasi Hills District, katba ka East Jintia Hills, Ri Bhoi bad South Garo Hills District kila shah ktah mar kawei ka shnong.
Ki briew kiba la shah ktah ha kane ka jingwan ka lyeriong Fani, ki long 9 ngut ha West Khasi Hills District, 5 ngut ha East Jiantia Hills District, ba mynsaw u wei ha East Khasi Hills District, hynrei kam shym don kano kano ka jingjia kaba sngewsih.
Ki iing kiba la shah pynjot ha kane ka lyeriong Fani, ki long 5 tylli ha ha EKH District, 2 tylli WKH District, 6 tylli ha SWKH District, 1 ha EJH District,1 Ri Bhoi District bad 2 tylli ha Siuth Garo Hills District. Kane ka long ka jingkhien kaba la ioh haduh ka miet jong ka saw tarik mynta u bnai.
Na ka liang jong ka ophis jong ka SDSMA, ka kong Mawlong kala ong ba ka jingjurip ka dang iaid bad lehse kin dang don shuh na ka liang jong ki briew sorkar kiba don ha ki Block bapher bapher hapoh ka jylla ki dang wad jingtip ioh don shuh kiba khlem pat ioh jingkhein.
