New Delhi,Naiwieng 28: U Myntri Rangbah duh jong ka ri, u Narendra Modi u la iaroh ia ki briew jong ka jylla namar ka jingiai bat ia ka rukom im ban im hapdeng ka jingsuk bad ka mariang kaba dang iai im haduh mynta ha ka jingai jingkren jong u ha ka Bynta ba 83 jong ka ‘Mann Ki Baat’ mynta ka sngi.
U Myntri Rangbah duh u la kren shaphang ka dur kaba la saphriang jong kawei ka lieng ha Meghalaya kaba i kumba ka her, ha kaba u la ong, “Ka um jong ka wah kalong kaba khuid haduh katta ba ngi lah ban iohi ia ka bynta ba shapoh jong ka bad i kumba ka lieng ka her ha suin.”
“Kane ka dur ka la khring ia ka jingmut jingpyrkhat jong ngi mar iohi nyngkong ia ka. Nga tharai bun na phi, phi lah ia iohi ha ka internet. Haba ngi peit bha ia kane ka lieng kaba per ha suin, ngi iohi pynban ba ka iaid ha ka um jong ka wah,” u la bynrap.
“Kane kalong kaba ai myniem ia ngi ruh baroh. Haba ki jingdon jingem ka mariang ki don kylleng sawdong jong ngi, ngi dei ban pynneh pynsah ia ki, kumba ka long. Ha kane ka don ka jingmyntoi ia ngi baroh, ia ka pyrthei baroh kawei,” ong u MR Haba kren shaphang ka jingitynnad ka mariang.
U Myntri Rangbah duh u la ong ba mariang ka buh jingma ia ngi tang haba ngi pynthut lane pynjot ia ka. Ka mariang ka sumar ia ngi kum ka kmie bad ka pyndep ia ka pyrthei jong ngi da ki rong kiba thaba itynnad,” u la bynrap.
U Myntri Rangbah duh u la ong shuh shuh ba ki don shibun ki jylla ha ka ri jong ngi, ki don shibun ki jaka ha kaba ki briew ki pynneh pynsah ia ka riti, dustur.
U la ong ruh, “Haba ki jingdon jingem ka mariang ki don sawdong jong ngi, ngi dei ban iada ia ka, pynkhie im biang ia ki kumba ki ju long. Ha kane ka don ka jingmyntoi ia ngi baroh, ia ka pyrthei baroh kawei.”
