Shillong, Nailur 02: U Chief Executive Member jong ka Khasi Hills Autonomous District Council u Bah Pynshngianlang Syiem u la khot biang ia ka jingialang ia ki seng bhalang ban ia kren halor ka jingkwah ban pynkylla ia ka Sixth Schedule ia kaba kila dep ban ia kren teng ha ka 29/8/2017.
Na ka liang jong u CEM u la phah da ka shithi sha ki seng bhalang ban ia kren sani halor kane ka bynta bad ha ka shithi kaba la thoh la kyntu ia ki seng bhalang ba kin ia pynlait por khnang ha katei ka sngi. Ka jingkhot ia kane ka jingialang ka long ba ka sorkar pdeng ka don ka jingthmu ban wanrah ia ka jingpynkylla ha ka Sixth Schedule kaba dei na ka bynta ki District Council.
