Ha ka sngi ba Ar pynbna ka dorbar ban nym shah ia ki briew ban iarung ia mih hapoh ka shnong Shella

Shillong, Naitung 26: Ka Dorbar Shnong Shella lyngba ka Committee kyrkieh kaba lah long ha ka 25.7.20 hadien ba ka la ia shong pyrkhat halor ka jinglong jingman bad ka jingpur sted u Khniang Jingpang Corona Virus ha kane ka Jylla  khamtam ha Nongbah Shillong.

Kum ka jingiada na kano kano ka jinglum bad jingmih paidbah ha ka 28.07.20 kaba dei ka sngi dap snem ka jingkhlad jong I MLA barim Jong ngi I Lt Dr Donkupar Roy, ka lah rai ban khang dam ia ka Shnong hi baroh kawei naduh ka por 6baje mynstep haduh 7baje janmiet Jong ka 28 tarik mynta u bnai.

La mana bad khang pyrshah ia baroh ki Nongshongshnong jong ka Shnong Shella bad baroh ki ba shong basah hapoh u pud u sam Jong ka Dorbar Shnong ba ki dei ban ia kiar na ka ban mih na ki Kher ne ki jaka shong jaka sah ki jong ki bad khamtam ban ia wan shapoh Kher Sohlap ha Kato ka sngi lait noh kito kiba pang ba shitom. Baroh ki dukan khamtam hapoh Kher Sohlap bad ki jaka treikam ne ki Bank kiba don ha Sohlap kin khang khyrdep ha kane ka sngi.

La kyntu ia ki Nongshongshnong ka Kher Sohlap ba kim dei ban ia mih ha ki lynti ki syngkien ne ban ia shongkai ha ki surok shnong hynrei ba kin ia shong beit ha la ki jong ki ing ki sem lait sa tang da ki don ki kam kiba kyrkieh bad kiba pang ba shitom.

Ki kali kim lah ban iaid ban ieng ha kane ka sngi hapoh Jong Katei ka por. La kyrpad ia baroh kiba don jingthmu ban wan sha Shella ha Katei ka sngi kin sngewbha ban sangeh shuwa tad haduh ka sngi kaba bud lait noh ki bahaing hasem Jong I Late Dr Don kupar bad ki briew Sorkar ne Party UDP kiba don jingthmu ban wan leh burom ia utei u Rangbah Nongialam ha Katei ka sngi.

La kyntu ia baroh ki Nongshongshnong ba kin bud ryntih ia kane ka jingpynbna Jong ka Shnong bad ruh ba kin bud ryntih ia baroh ki kyndon ba lah ai da ka Sorkar kumno ban iada ialade na une u Khniang Jingpang kum ban deng mask, ban ieng jngai uwei na uwei, ban nym lum paidbah, ban sait khuid ia ki kti man ka por bad kiwei kiwei ki lad jingiada.

Ka Committe ha kane ka Sngi ka lah rai euh ban mana ia ka jingdait jingwan Jong ki Nongshongshnong ne kino kino ki briew shabar Jong ka Shnong khlem ki daw kiba biang bad lada don kino kino kiba donkam ban leit jingleit shabar shnong ki hap ban da pyntip ha ki Secretary Kher ki jongki ne ha U Secretary Shnong ia ka leit ka wan bad ki jaka ba ki thmu ban leit ne ba ki wan khnang ba yn lah ban buh jingtip ia ka leit ka wan ka jong ki.

Ka Dorbar ka khmih lynti ia ka jingiatreilang John baroh ki Nongshongshnong bad kiba wan trei wan ktah hapoh shnong khnang ba ngin lah ban iada na kane ka jingpang.

Na ka liang ka dorbar ka kitbok ruh ba u Blei Nongbuh Ningthaw un pyllait ia  ka Shnong na kane ka jingpang bad ia ka Ri bad Jylla ka Jong ngi hi baroh kawei. Ngi kitbok ia baroh kito kiba lah ngata ha kane ka jingpang ba kin ia koit noh bad ioh ia ka met ka phat ka ba khlain. La ong u bah Roy Kupar Synrem Secretary Dorbar Shnong Shella.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet