Shillong, Naitung 14: Ka jinglehniam Behdeinkhlam jong ki Pnar kiba dang bat ia ka niam tynrai kala kut mynta ka sngi ha kaba u myntri rangbah ka jylla u Conrad K Sangma u la pynlait paidbah ia ka kot kaba la ai kyrteng ha ka tien nongwei “book ” Traditional Systems of Jaintia Community, Change and Continuity”.
Ha kane ka sngi da ki lak ngut ki paidbah na kylleng ka Ri Khasi Jiantia kila ia poi sha kane sngu kut jong kane ka jingle niam kaba kyrpang. Ka jinglehniam kala iaid saw sngi lynter bad kane ka sngi ka dei ka sngi kut ha kaba ki dong bad ki shnat ki wanrah ia ki Rod ban pynngam ha Eitnar shuwa ban bret ia ki.
Ha dien ba la dep ban pynshad ha Eutnar ia ki Rod la rah bad bret noh ia ki sha bar jong kane ka jaka bad haba la kut baroh ka jingbret ia ki rod bad ia u Khnong la pynkut da ka jingialehkai kynjatbol da ka bol bala shna na u dieng.
Nalor u Myntri rangbah ka jylla, kiba la poi ban sakhi lang ia kane ka sngi ki long ki myntri sorkar ki EM bad ki MDC jong ka JHADC ha ryngkat ki paidbah na kylleng ka Ri Lum khasi Jiantia khamtam kyrpang kito kiba dei hapoh jong ka Elaka Jowai.
