Shillong, Nailur 15: Kum ka dak jong ka jingpyrshah jong ka seng ia ka sorkar MUA-II ba ka sngap jar jar halor ki 14 tylli ki mat jingdawa jong ka HYC, ki dkhot jong ka Umling mynta ka sngi kila rah placard ha khmat jong u Dr DD Lapang bad u Dr C Lyngdoh myntri jong ka sorkar jylla ha ka por ba ki leit ban buh ia u Mawnongrim jong ka skhim sam um hapoh shnong Umling.
Ha kane ka sngi na ka liang jong ki dkhot ka HYC kila ia pyrtwa ba ki dawa ia ka ILP ha kane ka jylla Meghalaya. Haba ia dei bad ki 14 tylli ki mat jingdawa jong ka seng, ka seng kan dang iai beteng bad ka jingpynshai paidbah na ka liang jong ka seng kan dang iaid beteng ha kylleng ka bri u hynniewtrep.
Kawei na ki jingdawa jong ka seng HYC ka long ba ka sorkar ka dei ban pyntrei kam ia ka ILP ha kane ka jylla namar dei tang ka ILP kaba lah ban iada na ka jingwan rung kyrthep jong ki briew kiba na sha bar sha kane ka jylla dei halor kane ka nongrim ba ka seng ka ieng.
