Shillong, Risaw 02: Ka Social Welfare Department lyngba ka office jong ka District Social Welfare Officer, East Khasi Hills , Shillong, ryngkat Ka office jong i District Medical & Health Officer, East Khasi Hills, Shillong ka la rakhe ia ka sngi burom jong kiba la noh ka rta lane ki tymmen ki san kaba khot ka ‘International Day of Older Persons’ ha ka 1 tarik u Risaw 2022 ha iing dorbar shnong Mawkdok Laitkroh Khatarshnong C & RD Block.
Ha kaba sdang jong katei ka jingrakhe la pynlong ia ka jingai jingsumar ei ha kaba ki doctors bad ki nurse lem bad ki nongiarap kiba la wan na Swer CHC ban leh ia ka medical checkup kaba la sdang naduh ka por 09:30 mynstep bad bun ki Nongiashim bynta kiba la wan sha katei ka sngi.
Ha katei ka sngi lah don ruh ka Kong J.Shabong, Chairperson Child Welfare Committee, East Khasi Hills District kala long ka Kongsan. La pyniaid ia ka tei ka prokram da u Sardar Shnong jong ka shnong Mawkdok ,la kren pdiang sngewbha da ka District Social Welfare Officer, EKH, Shillong, la ioh ruh ia ka jingkren na ka kong O. Sumer, Health Educator na office jong ka DM&HO ha kaba iadei bad ka koit ka khiah ia ki tymmen ki san.
Kong D.Thangkhiew, L.A.C, District Legal Aids Services Authority ka jingkren shaphang ka ain ban iada ia ki tymmen ki san. La don ruh ka jingpynkup burom kyrpang ia i wei i tymmen i ba la 102 snem ka rta kaba dei na ka shong Laitlyngkot ba la tip kyrteng kum u Klin Kharbuli .
La pynkut ia katei ka programme da ka jingai khublei pynkut (vote of thanks) na i Kong B.Hek, CDPO, Laitkroh Khatarshnong ICDS Project bad la don ruh ka jingsam ia ki jingai sngewbha sha ki tymmen ki san kiba la wan ha katei ka sngi hadien ba la wai ka programme.
