Ha ka sngi burom ki khynnah ai  ka KSU da ka Komputor ia ka Shnongpdeng UP School

Shillong, Naiwieng 16: Ka Khasi Students’ Union Shnongpdeng Unit kum shi bynta ban kyntiew ia ka pule puthi hapoh ka shnong Shnongpdeng, West Jaintia hills District, ha ka sngi burom jong ki khynnah ka 14th Naiwieng, 2018 ka la noh synniang da ka kor Computer ia ka Shnongpdeng Upper Primary School.

La pynlong ruh ka jingialang ba kyrpang ha kane ka sngi bad la pyniaid bad pdiang sngewbha da u President ka unit Samla Kindly Khyriem, la ioh ka jingkren na u Dapbor Syngkrem ba long u Joint Secretary jong ka Dorbar Shnong Shnongpdeng u ba la ai ka jingkitbok kitrwiang ia ka seng ba kan nang lah ban trei shuh shuh ki kam babha hapoh shnong.

Kiwei kiba la ai  jingkren ha kane ka jingialang ki long u Samla Laitphar Syngkrem President jong ka War Jaintia Circle, Samla Leningrad Tariang Organising Secretary Jaintia hills District, Samla Dakishanlang Malngiang iba long Assistant Office Secretary Seng Kmie.

ka Headmistress jong ka skul ka Kong Radiancy Talang iba la ai ka jingkhublei ia ka Seng baroh kawei naduh na Central Body, District, Circle bad Unit kiba dei ki tnad treikam bapher bapher jong ka seng KSU. La kren kyntu kynpham ruh ia ki khynnah skul da u Samla Ohibait Dkhar President jong ka Jaintia Hills District.

u Kongsan Samla Manly J. Nongpluh Finance Secretary Seng Kmie halor ki kam synniang jong ka seng khamtam ha kaba iadei bad ka kam pule puthi katba ka lah synei bad I la kitbok kitrwiang ia ka skul ba kan nang lah ban jam sha khmat khamtam kaba iadei bad pule puthi kum ka juk ba mynta.

What Next?

Recent Articles

Leave a Reply

Submit Comment

*