Shillong, Jylliew 13: U Deputy Commissioner jong ka West Jiantia Hills District u la khot ia ka jingiakynduh ia baroh kito kiba pyrshah ba plie ia ka khaii na Tamabil sha Bangladesh kumba la pynbna da ka sorkar jylla.
Haba kren ha u SP News Agency u bah Garod LSN Dykes la iathuh ba u la ioh ia ki jingthoh na kiba bun kiba pynpaw ia ka jingsngew pyrshah jong ki ia ka rai jong ka sorkar ban plie ia ka jingia khaii pateng na Tamabil sha Bangladesh.
Namar kiba bun kila phah da ka jingthoh na kiba bun kumta u la khot ia ki ba kin ia kynduh la sngi Nyngkong ban ia kren bad kane ka jingkhot ka long ba un sngewthuh aiu ki don ban ong namar ia ka juh ka phang u la ioh pdiang shibun ki jingthoh.
Na ka liang jong u Deputy Commissioner, u la kren shai, ha kaba ia dei bad kane ka kam kam dei ha ka bor jong u ban ong ban plie ne ban khang kane ka rai ka dei jong ka sorkar hynrei namar ka hap hapoh ka District jong ka West Jiantia Hills u la khot ia ki ban ia kren la sngi Nyngkong.
