Ha ka sngi palei ban wan yn plie u Dr Mukul ia ka Ranikor Administrative Unit

Shillong, Nailar 04: U myntri rangbah ka jylla u Dr Mukul Sangma ha ka sngi palei jong ka taiew ban wan un leit ban plie ia ka Ranikor Administrative Unit  ha Ranikor kaba hap hapoh jong ka South West KHasi Hills District.

Ha dien ba ka sorkar kala kyntiew kyrdan ia ka Mawshynrut Administrative Unit sha ka Civil Sub Division na ka liang jong u Martin M Danggo u ba dei u myntri ba dei peit ia ka PWD u ba dei ruh u MLA jong kane ka thain  u la dawa na u myntri rangbah ba dei ban kyntiew noh ia ka Ranikor sha ka Administrative Unit.

Da kane ka jingkyntiew ia ka Ranikor C&RD Block sha ka Administrative Unit kan iarap shibun ia ki paidbah ha kiba bun ki liang ha ka jingiadei bad ki kam ki jam kiba ia dei bad ka sorkar. Ha kaba bun ki kam ki paidbah ha ka jaka ba kin leit sha Mawkyrwat ki lah ban pyndep tang hapoh Ranikor.

Katba ia ka Nonghyllam Police station yn leit ban plie da u myntri kam poh iing ka jylla u Bah HDR Lyngdoh ka sngi thohdieng jong kane ka taiew ban wan. Da ka jingplie ia kane ka police station kan ai ka jingshngian ia ki paidbah katei ka thian kaba la shah ktah ha ki kam sniew kiba lai phet jaid.

What Next?

Recent Articles

Leave a Reply

Submit Comment
*