Ha ka sngi plie ia ka iing dorbar shnong Mawkhra, rah placard ka HYC Pyrshah ia u MR

HYC placrad.Shillong, Nialar 09: Ka HYC Shillong City mynta ka sngi ka  ka lah pynlong iaka jing rah placard Pyrshah ia u Dr Mukul Sangma haka jing leit  plie ka Jong u ia ka Hall ha Mawkhar. Ka seng Pympaw ba ka jingrah placard ryngkat ki kyntien pynrem balah thoh  Pyrshah ia u Dr Mukul Sangma ka dei ha lor ka jing leh mutlop bad ka jing bym Khein snep Jong u Dr mukul Sangma ia ki 14 tylli ki Mat  Iada Ri kiba ka seng ka lah dep buh ia ka dorkhas ha khmat Jong u myntri rangbah.

Ha kane  ka jing rah pla card shipor lah shah khang Pyrshah ha ki bor pyniaid district kiba lah mana tyngeh ba ym dei ban rah lama iong ne leh kino kino ki kam Pyrshah ha katei ka Jaka Namar ba lah pynjari iaka kyndon 144 crpc hynrei Naka Liang ki dkhot Jong ka seng ki lah iaid beit shakhmat ban rah placard kum ka dak ka jingpyrshah ia U Dr Mukul Sangma lem bad ki Cabinet Minister.  Bad hadien ka jingia ai nia  na ka Liang ki bor pyniaid district ki lah ai lad iaki dkhot ka seng ban shu rah tang iaki placard bad lah mana ba ymbit ban pyrta slogan lane wat ban tur palat sha surok.

Naka Liang ka seng ka pynrem Jur ia Kane ka jing leh ki bor pyniaid district wat haba na ka Liang ka seng ka pynlong iaki jing iakhih ki ba jai jai ki bym don kano kano ka jingpynwit ia ka iaid ka ieng jongno jongno ruh hynrei na ka liang ki bor dostrik pat ki ialeh ban pynwit ia ki dkhot jong ka Seng.

Ka seng ka kren shai ia u Dr Mukul Sangma bad sorkar MUA ll hi baroh kawei ba ka seng ka khlem dawa iaki ain ki bym lah long ki khlem dawa ba  to pynlong ain noh ia u drugs ba ngin ioh dih laitlan lane ban dawa ban I thuh noh da ka ain iaki kam die met ban ioh ia khaii met pathar noh hynrei ki dawa ban thaw ia ki  ain ban iada ia ka ri bad ka jaitbynriew rit paid kiba iahap bad ka ILP lem bad kiwei ki 13 tylli pat ki Ain.

Ka seng ka buh ruh ia ka jing kylli ia kane ka Sorkar ba “lada kiwei ki jaitbynriew kiba kham heh paid bun shah ban ia ngi  ki Don iaki ain ban iada kyrpang iaki balei ia ngi pat kum Kum ka jaitbynriew ba dang duna ha baroh ki Liang  Ngim Don hok ban Don ki ain ban iada iangi”.

Khadduh ka seng ka ai khublei ia ka dorbar shnong Mawkhar kaba lah ioh ia katei ka hall kaba heh bad ba Itynnad bad kumjuh ruh ka seng lyngba kane ka kyrwoh ka pan iaka jing Kyrshan Jong u paidbah  ka Bri u Hynniewtrep hi baroh kawei na ka Bynta Ki Mat dawa iada ri kiba long ka jing shngain ia ka mynta bad ka pateng kaban sakha. Ong u Bah John Lyngdoh Vice President ka HYC Shillong City.

 

 

 

What Next?

Recent Articles

Leave a Reply

Submit Comment
*