Shillong,Jylliew 19: Ka Demand Committee na ka bynta ka Ranikor Civil Sub Division, hapoh ka jingialam jong u MLA u Martin M Danggo mynta ka sngi kila leit ban ia kynduh ia u Y Tsering Chief Secretary jong ka sorkar jylla ban kyrpad ia u ban pynsted noh ia kane ka kam ha dien ha kaba ia dei bad Civil Sub Division hapoh Ranikor kaba hap hapoh jong ka South West Khasi Hills District.
Haba kren ha ki nongthoh khubor ha dien ba la ia kynduh ia u Chief Secretary jong ka sorkar jylla, u MLA jong ka Ranikor u Martin M Danggo u la ong ba ki kyrmen ba ia ka Civil Sub Division yn sa plie noh shen bad mynta ki dang ap ia ka jingpynbna sorkar ha kaba ia dei bad ka jingkyntiew ia ka Ranikor Adminstrative Unit sha ka Ranikor Civil Sub Division.
Halor ka jingkynnoh ba khlem dawa ia ka Ranikor Civil Sub Division ha ki por kiba la leit noh ka long kaei kaei kaba ialam bakla ia ki paidbah. Ka Demand Committee na ka bynta ka Ranikor Civil Sub Division kala long na duh u snem 2007, ha ka por ba long myntri rangbah u Dr DD Lapang, nangta la beteng ia kane ka jingdawa ha ka por ba u Dr Mukul Sangma u long u myntri rangbah ka jylla. Ban kynnoh ba kam shym don kata ka jingdawa ia ka Ranikor Civil Sub Division ka long kaba bakla shibun.
U La ong “Nga kum u MLA nga kwah ban pynioh ia ki kam pynroi hapoh jong ka Konstitwensi, ha ka por ba nga don lang ha ka ka juh ka iing kata ka seng Congress ym lah ban ioh kam don jingeh ia u ban hiar shuki MLA na ka bynta ka jingmyntoi jong ki paidbah ia kaba kila dawa mynta la bun bun snem”.
Haba jubab ia ki jingkylli lano un hiar shuki na ka kam MLA, la ong ba “ Nga kloi ban hiar shuki ha kano kano ka por bala plie ia ka Ranikor Civil Sub Division, ha ka sngi ba pli ngan hiar shuki mardor, lada la ioh ia ka Civil Sub Division lada ngam long MLA shuh ruh nga la hun namar ka jingmyntoi jong ki paidbah”.
