Ha ka sngi shad Nongkrem ki Bank ki Kompnei dei ban ai shuti bthah ka seng HYC

Shillong, Naiwieng 04: Kumba ju long man la u snem, mynta u snem ruh ka Hima Khyrim kan sa pynlong ia ka jinglehniam “Shad Nongkrem” ban ainguh ia u Blei Trai Kynrad Nongbuh Nongthaw na ka bynta ban bha u khaw u kba, ban im suk im sain ka pateng pakit bad bha ka kamai kajih.

Ka Sorkar Jylla kumba long hi ka rukom mynta u snem ruh ka lah pynbna ba ka 07 Tarik u Bnai Naiwieng, 2022 kan dei ka sngi shuti hapoh ka East Khasi Hills District ha kaba ki Ophis Sorkar, ki Ing Kashari bad ki Jaka pule kin khang ha katei ka sngi.

Wat ka Ing Kashari ba heh duh ka Jylla, Ka High Court Badonburom, ruh ka ju ai shuti ha ka sngi Shad Nongkrem kum ka jingburom ia kane ka Riti dustur ba kyrpang jong ka Jaidbynriew ka jong ngi.

Hynrei, ngi lap bad shem pat ba don ki ophis Sorkar Pdeng, ki Ophis ki Kompeni Shimet bad ki Banks kim ju burom bad pynlong trei lane plie ia ki ophis ha kiba kum kine ki sngi ba kyrpang jong ka Jaidbynriew kum ka Shad Nongkrem ha kaba bunsien ki Sengbhalang ki hap ban leit ban tuklar da kaba ki hap ruh ban khang khyrdep hi ia kiba kum kine ki Ophis ne jaka treikam.

Kumta, lyngba kane ka Khubor na ka liang ka Seng ngi kyntu ia baroh ki Ophis Sorkar Pdeng, ki Ophis jong ki Kompeni bapher bapher kiba don hapoh East Khasi Hills District, ki Banks bad kiwei kiwei ba kidei ban burom ia kiba kum kine ki shuti ba kyrpang jong ka Jaidbynriew bad ba kim dei ban plie ia ki jaka trei ki jong ki khamtam ruh ha ka 07 Tarik mynta u bnai.

Ka HYC ka kyntu ia ki Bor pyniaid jong ki Ophis, ki Kompeni bad ki Banks bapher bapher ba kidei ban pynbna shuti ha ka 07 Tarik hapoh ka District kumba lah pynbna da ka Sorkar bad ban nym pynbor ia ki dkhot ka Seng.

Lada kim buorm ki kdhot ka seng kin hap ban leit tuklar bad khang khyrdep ia kiba kum kine ki Jaka trei ki bym burom ia kane ka sngi ba kyrpang jong ka Jaidbynriew. Ngi khmih lynti ia ka jingiatreilang jong baroh lang kane ka long katkum ka kyrwoh kaba la phah da u general secretary ka seng u bah Roy Kupar Synrem.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet