Shillong, Risaw 26: U myntri rangbah ka jylla Meghalaya u Conrad K Sangma mynta ka sngi u la leit ban jurip ia ka jaka sumar ia kiba shitom bampong kaba don ha syndah jong ka Civil Hospital kaba la pyntrei ia ka 20 snem mynshuwa iaka kaba ym pay pyntrei kam pura haduh mynta.
Ha dien bala dep ban jurip u myntri rangbah ka jylla u la ong ba ka jingtrei ka dang iaid haduh mynta bad ia kane la pyndon kam ban buh ia kiba shitom na ka jingpang COVID-19 ha kine ki ar snem bad ha kane ka jingpyntrei la don kam ban pynkylla kato katne ki bynta.
U myntri rangbah la ong ba u sngew kmen ban iohi ba ka jingtrei kala iaid sted sha khmat la ong ba haba kut u Naiwieng lane ka taiew ba nyngkong u Nohprah 2022 ynsa lah ban pyndep ia ka jingtrei, ha kaba ia dei bad ki kor ki bor kiba thymmai kan shimpor khyndait ba kin poi.
Ha ka juh ka por kiwei ki jingdon kam kiba lah ban sumar ia ki nongpang na ka bynta ki jaka sumar ia ki kynthei bad shynrang kila biang bad ia ki la lah ban pyndon kam da kaba pyndon kam ia ki mashin kiba la don lypa haduh ban da poi ki kor ki bor thymmai.
U myntri rangbah la ong ba ki don ka jingkyrmen ba ynsa lah ban pyndon kam ia ka ha ka taiew ba nyngkong u Nohprah 2022, ha kane ka juh ka sngi u la leit ruh ban jurip ia ka Engineering Collage jong ka sorkar kaba dang shan mynta kaba don ha Mawlai.
