Ha ka taiew ba nyngkong u Nohprah yn pyntrei kamia ka PHC ha Weilyngkut: Hek

Shillong, Risaw 23: U bah AL hek myntri ka koit ka khiah jong ka sorkar jylla mynta ka sngi u la ong ia ka kynhun jong ka Joint Action Committee na ka thain Sohiong, kaba kynthup ia ka KSU, Dorbar shnong bad seng long kmie ba ia ka PHC ha Weilyngkut yn pyntrei kam noh ha ka taiew ba nyngkong jong u bnai Nohprah 2018.

U Samla W L Mawlong president jong ka KSU haba kren ha ki nongthoh khubor ha dien ka jingiakynduh ia u myntri ka koit ka khiah u la ong ba na ka liang jong u myntri u la kular ban pyntrei kam noh ia kane ka PHC ha Weilyngkut ha u Nohprah taiew banyngkong.

La iathuh ba ki shong kiba don saw dong jong kane ka PHC ki don 20 tylli bad ki paidbah nongshnong ki don haduh 12,000 ngut bad ia kane ka PHC la dep ban shna naduh u snem 2007 hynrei haduh mynta ym pat lah ban pyntrei kam.

La iathuh ba na ka liang jong ki bor shnong kila juh ia kynduh ia ki briew jong ka tnad ka koit ka khiah na ka por sha ka por hynrei kam shym la poi sha ka thong dei na kane ka daw ba mynta ka sngi ki sa wan ban ia kynduh ia u myntri sorkar. Haba ia dei bad ka CHC ha Sohiong na ka liang jong u myntri un sa phah shuh ki doktor namar kumba ka long mynta ki don tang lai ngut.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet