Shillong, Iaiong 12: U Chief Electoral Officer jong ka jylla Meghalaya u Bah Fredric R Kharkongor u la iathuh ba baroh ka pisa kaba la ioh ban kurup ha kane ka MP ilekshon ha ka jylla kala kot sha ka T.71 lak tyngka.
Haba kren ha ki nongthoh khubor mynta ka sngi u la iathuh ba kaba la dep ban pynphai sha ki trai dei tang kato ka pisa T. 3 lak tyngka kaba kem ha khleihriat Jowai namar ba u la wan rah ia ki kot ki sla kiba biang ban pynshisha ba kam dei ba pyndon kam ha ka ilekshon.
Laithuh ba na ka pisa baroh kaba la ioh ban kurup ka long ba T.40 lak la aiti sha ka tnad Income Tax namar kano kano ka jingioh kurup kaba la palat ia ka shiphew lak ka dei ban leit sha katei ka tnad jong ka sorkar pdeng.
Ia kiwei ki pisa kiba lait na katei ki don bad ki District Election Officer bad kine mynta ki dang shong jingialang ban pan ki jingpynshai na ki trai pisa kiba la shah kem.
