Ha kane ka por ka jingkutlad ki samla pule kan kham sniew ban ia ki kam lehnoh: Robert

Shillong, Nailar 22: U Bah RG Lyngdoh myntri kam poh iing barim jong ka sorkar Meghalaya haba kren kum u nongsan ha ka jingiakynduh lang ba shisien shisnem jong ka seng ki nonghikai Defecit hapoh kalam jong ka Khasi Jaintia Deficit School Teachers Association (KJDSTA) u la ong ba ka por kala dei ba ka sorkar ka dei ban niew burom ia ki nonghikai kumba leh ka ri China bad ki ri Europe.

La ong ba na ka jingkren jong ki nonghikai ha kane ka jingiakynduh lang mynta ka sngi kapaw ba ka sorkar kan niew burom ia ki, ha kawei ka bynta ka sorkar ka ong ba  ki nonghikai ki dei ki nongsain dur ia ka lawei ki khynnah bad ha kawei ka bynta pat ka sorkar ka niew ia ki kum ka jingwit ia ka sorkar.

Ka por kala dei ban niew burom ia ki nonghikai bad lada kwah ban ioh ia ka jinghikai kaba biang, don kam ruh ban siew ia ka jingsiew kaba biang, ka ri China, Bhutan bad ki ri Europe ki buh ia ki nonghikai ha khmat eh palat ban ia ki nongtrei sorkar, hynrei ha ka jylla Meghalaya kham heh u peon ban ia ki nonghikai.

Haba ia dei bad ki jingeh jong ki nonghikai u la ong ba don kam ban buh ia ki jingdawa ha khmat jong ki nongialam bad ha ka juh ka por ym dei ban shu ia khih hynrei dei ban don ka lynti kumno ban weng ia ki jingeh. U la ong ba kum u dkhot jong ka Kommittee ba dei peit ia ka “Education Policy” u la ong ba u labuh ba ka kyrteng jong ki nonghikai kan paw ha ka policy.

Haba phai sha ka jinghikai u la ong ba la don kam ban pynkylla, kam dei shuh kato ka juk ba rim kaba shu hikai ia ki khynnah ba kin wad kam sorkar, hynrei mynta la dei ban hikai ba kumno kin lah ban ieng ha la ki jong ki kjat ha dien ka jingpule ka jong ki. Kaei kaba ima mynta ka long ka jingkutlad jong ki samla pule bad kane kan kham sniew ban ia ki kam lehnoh.

U la kyntu ia ki nonghikai ba ha kane ka juk mynta la dei ban pynrung ia ka jinghikai ha ki samla pule ia ka mynsiem ban ia treilang, ym ban ban tang ha ka jingiakop. Ki kmie ki kpa kin nym don por namar ba ki ia beh ia la kam ka jam bad ia kane ka bynta la shimti da ki nonghikai. U la ong ba pynrung sha ki khynnah ia ka mynsiem ba kin buh ia ki jingkylli bad kane kan iarap ynda kila heh.

Kumba ka long mynta la hikai ia ki samla pule naduh ki politishian bad kiwei kiwei ki kynhun tang ia ka mynsiem shong syier na ka jingshah tyllep ha ki briew kiba nabar, la ong ba ia kane ka mynsiem la dei ban weng noh bad ban leh ia kata dei tang ki nonghikai kiba lah ban leh namar ki long ki nongsain dur ia la lawei jong ki khynnah. Na ka liang jong u Bah Robert G Lyngdoh  u la ai ka jingkular ban pynkren lem ia ki jingeh ka jong ki sha ki bor sorkar.

Ha kane ka sngi na ka liang jong ki nonghikai la kren da u Bah ED Nongsiang Secretary, ha kaba u la batai ia ki jingeh kaba ki nonghikai ki ia kynduh bad ia ki jingeh kaba ki dang hap ban shim nangne sha khmat kum ka bai bam tynmen ka jong ki. Ha kane ka sngi ki nonghikai kila ia wan ban ia shim bynta na kylleng ka ri lum khasi Jaintia.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet