Shillong, Lber 06: U myntri rangbah ka jylla ba dang shah jied u Conrad K Sangma mynta ka sngi la ong ba ha ka jingialang la shim ia ka rai ba ia kane ka sorkar synrop lang kaba thymmai ym tip kum ka sorkr MDA-II.
Haba kren ha ki lat pathai khubor la ong ba la shim ia kane ka rai ka long ba ki party kiba don lang ha kane ka sorkar ki dei ki juh bad ha kane ka kynhun don u shongknor bad u myntri rangbah un long u shongknor.
Ha kane ka jingialang la shim ruh ia ka rai na ki 12 ngut ki myntri sorkar, 8 ngut kin dei na ka NPP, 2 na ka UDP, 1 na ka HSPDP bad 1 na ka BJP, kane ka dei ka jingbate kam ban ia don long ha ka sorkar,ha kane ka sorkar 4 ngut ki myntri dei na Garo Hills bad 8 na Khasi Hills.
U myntri rangbah ba shah jied la ong ba ia kane ym shym la rai ha ka MDA hynrei kaei kaba la dep ban ia pynbeit bad ki party ba ia don lang ha ka sorkar, ha kane ka sorkar kaba mynta na ka liang jong ka PDF kim don bynta ha ka kynhun myntri.
Haba ia dei bad ka kam Lamphang ka ing dorbar la aiti ha u myntri rangbah bala shah jied ban kren sha ki party kiba don ha ka sorkar ban jied bad yn da la dep ban iakren un sa wanrah ia ka kyrteng sha ka MDA-II.
Ha dien ka jingpyn bam smai la shai ka sngi kin sa ia kynduh biang ban ia kren ia ki kam kiba iadei bad ka jingtreikam ka sorkar la ong u mytnri rangbah ba shah jied ka jylla u Conrad K Sangma.
