Ha khmat u Dr Mukul rah placard ka HYC bad FKJGP ban dawa ia ka Mawlai C&RD Block

The Chief Minister arrived at the Assembly when the NGO's from Mawlai holding thier placard.Shillong, Lber 17: Ki ar tylli ki seng bhalang na Mawlai, ka FKJGP bad ka HYC mynta ka sngi kala pynkyndit ia ka sorkar ha kaba ki la leit ban ieng ha khyrdop jong ka iing dorbar thawa ian ka jylla ban rah ia ki placard ban pynpaw ba ki dawa ba dei ban plie noh ia ka Mawlai C&RD Block kaba la dep ban kular ha u snem 2016 ha ka dorbar mang tyngka.

Ia kane ka jingrah placard ha khmat jong ka khyrdop jong ka Iing dorbar thawain ka jylla, u myntri rangbah ka jylla u Dr Mukul Sangma u la iohi ha ka por ba u wan sha Assembly wat la um shym al ieng ban ia kren bad ki dkhot jong kine ki seng bhalang, ki Minister bad ki MLA kiba wan ia shim bynta ha kane ka jingiashong dorbar mynta ka sngi kila iohi ia kane ka jingrah placard jong ki seng bhalang na Mawlai.

Haba kren ha ki nongthoh khubor, u wei na ki nongialam jong ka HYC u Bah Donbok Kharlyngdoh, u la ong ba ka jingwan ka jong ki hangne ka long ban pynpaw ha ka sorkar ba ka dei ban plienoh ia kane ka Mawlai C&RD Block. Kane ka jingdawa jong ki kam dei ka sien kaba nyngkong, kadei kaba kila dawa la kham slem.

Na ka liang jong ka dorbar shnong Mawlai Pyllun bad ki seng bhalang kila ia kren bad u myntri u Bah Sngewbhalang Dhar, hynrei la sngewthuh ba I mat ka don ka jingleh politic namar ba ia ka Mawlai ym dei ba la lam khmat da u MLA Congress kala pynlong ia ki mister jong ka sorkar MUA-II ban pynhun ia ki briew jong lade bad kila leit ban pynbeit ia ka jaka hapoh Mawpat.

Na ka liang jong ki ruh kila tyrwa ar tylli ki jaka, kawei ha Mawsiatkhnam bad kawei ha Mawtawar  ia kaba ka shong ka long kaba la kloi ban ai ia ka jaka bad ka Director jong ka C&RD ruh ka I R Sangma bad ha kane ka jingleit ban jurip ia ka jaka kala kren shai ba na ki ar tylli ki jaka ba kala dep ban leit jurip ka ong ba ka jaka ha Mawtawar ka long kaba biang, la iathuh u Bah Kharlyngdoh nongialam jong ka HYC.

U Bah Kharlyngoh u la ong ba u kwah ban buh ia ka jingkylli ia ka sorkar, hato kane ka jingpynbna jong phi ha ka dorbar mang tyngka jong u snem ba la dep ban buh ia ka C&RD Block, hato kane ka sorkar MUA –II haba wanrah ia ki development hapoh jong ka state ka thew ban ai development tang ia ki jaka ba don ki MLA Congress kane ka jingkylli ba nyngkong la pynsngew u nongialam ka HYC,

Ka jingkylli kaba ar kaba u la buh bad kum ka seng bhalang ka kren shai ba wat nym ia leh politic ia kane ka C&RD Block  dei ban tei noh wut wut bad plie noh kumba kila leh ha kiwei ki jaka, ki sngew lyngngoh ba na ki saw tylli ki C&RD Block la dep ban plie katba ia ka Mawlai palt plie.

U ne u nongialam jong ka ka HYC u la ong ba u Dr Mukul ym dei ban pynlong ia ka shitarik u bnai Iaiong kum ka “ April fool  day” la kyntu ia u myntri rangbah ka jylla u Dr Mukul Sangma ba u dei ban plie noh wut wut ia kane ka Mawlai C&RD Block.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet