Ha ki 10 snem kum u MP nga la leh bun ki kam, hynrei ban pynhun ia baroh ym lah: Pala

Shillong, Lber 22: U Bah Vincent H Pala mynta ka sngi u la thep ia ka nomination jong u ha u Returning Officer jong ka 1-Shillong Parliamentary Konstitwensi ha Shillong kum u kyrtong jong ka party Congress.

Haba kren ha ki lad pathai khubor ha dien ba la dep ban thep ia ka nomination jong u, u Bah Pala u la ong ba ha kine ki 10 snem kum u MP u la leh bun ki kam, hynrei ban pynhun ia baroh ym lah. U la ong ba “ka jingshah kynthoh bad ka jingshan kynnoh kan don beit hynrei ia kaba nga lah nga leh”.

“Ngam da kwah ban pudtuoi ia lade ia kaei kaba nga la leh kum u MP ha kine ki 10 snem, nga ngeit ba ki paidbah ki tip kham bha ia kaei kaba nga la leh katba la lah ka bor kum u MP” la ong u Bah Vincent H Pala.

Haba phai sha kine ki san snem ki ban sa wan la ki paidbah ki dang ai biang ia ka jingshaniah ha u kum u MP ka kam kaba ha khmat eh katkum ka jinglap jong u ka long ban kyntiew ia ka “Higher Education” khang ba ki samla yn da ki la pyndep ia ka klass XII ka jong ki kin ioh ban pule ha ki College.

Kawei pat ka long kilad ioh kam ioh jam jong ki samla ha kaba ia dei bad ki ophis jong ka sorkar pdeng ym tang jong ka sorkar, hynrei wat ha ki kompeny bapher bapher kiba don ha ka Ri India ia kane u la ong ba  la dep ban sdang bad yn dang iai betweng ban bud dien.

Haba phai sha kane ka elelction kaba mynta u la ong ba ka jingiakhun ka long bad baroh ki kyrtong kiba la thep ia ka nomination ka jong ki kum ki kyrtong MP, haba phai sha u ta u kyrtong iamonlang, u Bah Pala u la ong ba ym shym don uta u kyrtong  iamonlang hynrei u don u kyrtong jong ka UDP.

Ha kane ka sngi la synrang lang ia u da u President ka MPCC u Dr C Lyngdoh, ki MLA u Bah Himalaya Shangpliang, ka kong Wansuk Syiem MP jong ka Rajya Sabha bad kiwei kiwei ki nongialam ka party Congress bad kiba ha iing ha sem.

What Next?

Recent Articles

Leave a Reply

Submit Comment

*