New Delhi, Nohprah 18: U Myntri khynnah ba dei peit ia ka tnad ka koit ka khiah jong ka sorkar pdeng u Ashwini Kumar Choubey haba jubab da ka jingthoh ia jingkylli haba ia dei bad ka dor bala buh na ka bynta ki samla pule doktor ha ki jaka pule doktor hapoh Lok Sabha mynta ka sngi.
U Myntri khynnah ka sorkar pdeng u la ong ba ha ki jaka pule doktor kiba la pyniaid da ka sorkar, kata ka jylla ka buh ia ka dor bai rung ia ki samla pule bad na ka bynta ki jaka pule doktor kiba la pyniaid da ki riew shimet pat ia ka dory n rai da ka Kommitee kaba la thaw da ka sorkar jong kata ka jylla ha kaba u Chairman un dei u nongbishar ba la shong thait na ki High Court katkum ka jingbethah jong ka iing bishar ba ha khliehduh jong ka Ri.
Kan shnong ha kane ka kommittee ban shim ia ka rai la kan pdiang ne kyntait ia ka dor ba la buh da ka kata ka jaka pule doktor bad lada ka komitee ka buh ia ka dor kata ka jaka pule doktor bala pyniaid da ki riew shimet kam hap ban pdiang ia kata ka dor.
