Shillong, October 01: U heh duh jong ki shipai suin jong ka Eastern Air Command u Air Marshal C Hari Kumar, u la ong ba kumba ka long mynta ka Pakistan bad ka ri China kam don kata ka jingiateh paralok ha ki kam shipai. Kaei kaba ki pynpaw ka long ba ki don ka jingsngew lada shah hiar thma.
Haba kren ha ki nongthoh khubor ha dien ba la dep ban plié ia ka ‘Air Fest’ 2016 ban rakhe ia ka jingdap 84 snem jong ka kynhun shipai suin jong ka Ri India, une h heh shipai u la ong ba kumba ka long mynta kam don kano kano ka jingma ia kane ka thain, hynrei kin hap ban long kiba la khreh.
Ban pynkhlain ia kane ka kynhun shipai suin ha kane ka dong mih ngi, kane ka EAC kan ioh ar tylli ki lieng iapom ba ka Ri India ka thied na Ri France nalor kiwei ki lieng iapom kiba la don ha kane ka thain.
Haba ia dei bad ki jingeh kaba kane ka kynhun shipai suin ka ia kynduh u la ong ba ka jingeh kaba ha khmat eh ka dei ka jinglong lum long them jong kane ka jaka bad kane ka thain ka dang don kam shibun ki jingpynbha.
Haba phai sha ka liang ioh kami oh jam ha kane ka kynhun shipai la ong ba kajingthmu jong kane ka long ban pynshlur ia ki briew kane ka thain ba kin rung ha kane ka kynhun shipai bad la ai jingbit kyrpang mynta ka sngi ia u kpa bad u khun ba kin niah ia ka helicopter ha kane ka Air Fest.
